Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. nóvember. 2015 10:51

Íslandsmeistararnir tylltu sér á toppinn

Það var toppslagur í Domino‘s deild kvenna í gær þegar Snæfells tók á móti Haukum. Fyrir leikinn sátu Haukar á toppi deildarinnar en Íslandsmeistararnir í öðru sæti. Leikurinn var jafn og spennandi frá fyrstu mínútu. Heimaliðið hafði heldur yfirhöndina í upphafi en gestirnir komust stigi yfir undir lok fyrsta leikhluta. Liðin fylgdust að áður en Snæfell náði forystunni á ný og leiddi með fjórum stigum í hálfleik, 35-31.

Í síðari hálfleik tóku liðin upp þráðinn þar sem þau skildu hann eftir. Haukar tóku forystuna um miðjan þriðja leikhluta en Snæfell jafnaði af vítalínunni skömmu síðar og leikurinn í járnum fyrir lokafjórðunginn. Liðin fylgdust að, hverju stigi var svarað og allt útlit fyrir að úrslitin myndu ekki ráðast fyrr en á lokasekúndunum. Þegar tvær mínútur voru eftir skelltu leikmenn Snæfells hins vegar í lás. Haukar skoruðu ekki stig það sem eftir lifði leiks og Snæfell vann toppslaginn með tíu stiga mun, 75-65.

 

 

Haiden Palmer bar af í leiknum. Hún skoraði hvorki meira né 43 stig, tók 14 fráköst og gaf fimm stoðsendingar. Næst henni kom Bryndís Guðmundsdóttir með 16 stig og sex fráköst og Hugrún Eva Valdimarsdóttir skoraði fimm stig og tók tíu fráköst.

Þess má einnig geta að Helena Sverrisdóttir skoraði 19 stig, tók tíu fráköst og gaf sjö stoðsendingar í liði Hauka sem er rétt undir hennar meðaltali hennar á leik í vetur. Að slík frammistaða sé undir meðallagi er hreint með ólíkindum og nær öllum ljóst að þar fer besti leikmaður deildarinnar um þessar mundir.

 

En með sigri Snæfells höfðu liðin sætaskipti í deildinni. Ríkjandi Íslandsmeistarar verma nú toppsætið með 16 stig eftir níu leiki, tveimur stigum meira en Haukar sem þó eiga leik til góða.

 

Næsti leikur Snæfells fer fram laugardaginn 12. desember þegar liðið heimsækir Keflvíkinga.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is