Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. janúar. 2016 11:40

Aldrei fleiri farþegar um flugstöðina

Tæplega fimm milljónir farþega lögðu leið sína um flugstöðina í Keflavík á nýliðnu ári. Nánar tiltekið voru það 4.850.000 manns. Þetta var einni milljón fleira fólk en árið 2014. Aukningin milli 2014 og 2015 var 25,5% eða fjórðungur. Isavia spáir því að 6,25 milljónir farþega fari um flugvöllinn á þessu ári. Rétt tæplega 1,7 milljón farþega kom til landsins um flugvöllinn og svipaður fjöldi fór frá landinu. Tæplega 1,5 milljón farþega millilenti á Keflavíkurflugvelli á síðasta ári. Flestir farþegar fóru um flugstöðina í júlí, tæplega 663 þúsund farþegar.

Isavia segir í tilkynningu að öflugt markaðsstarf síðustu ára hafi skilað mikilli fjölgun ferða um flugvöllinn, að mestu utan háannatíma. Þó sé enn mikill vannýttur tími utan háannatíma. Unnið er að því að dreifa betur álagi á vellinum. Einnig er verið að því um þessar mundir að stækka flugstöðina um 16 þúsund fermetra. Taka á níu þúsund fermetra í gagnið í ár og sjö þúsund til viðbótar á næsta ári. Gert er ráð fyrir að flugstöðin verði 140 þúsund fermetrar árið 2032, ríflega tvöföld sú stærð sem nú er. Með betri nýtingu flugvallarins og betri dreifingu álagstíma ætti flugvöllurinn að geta tekið við hátt í tíu milljónir farþega þegar framkvæmdunum sem nú standa yfir verður lokið.

 

 

Samhliða þessu berast fregnir um að fyrirhugað sé að reisa stóra verslunarmiðstöð skammt frá Keflavíkurflugvelli. Hún á að heita Rósaselstorg. Kaupfélag Suðurnesja, í samvinnu við sveitarfélagið Garð, stendur að byggingunni. Nýja verslunarmiðstöðin verður á 20 þúsund fermetra lóð. Þar verður matvöruverslun Nettó, veitinga- og kaffihús, ýmis þjónusta og bensínstöð. Allt þetta samanlagt í minnst tvö þúsund fermetra byggingum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is