Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. janúar. 2016 09:58

Miðasala á forkeppni og úrslitakvöld söngvakeppninnar 2016

„Söngvakeppnin 2016 verður sérlega glæsileg en þá verður haldið upp á 30 ára þátttökuafmæli Íslands í Eurovision. Söngvakeppnin hefst laugardaginn 6. febrúar með fyrri undankeppninni úr Háskólabíói. Seinni undankeppnin fer fram viku seinna, 13. febrúar í Háskólabíói og lokaæfingin og úrslitin fara svo fram með algjörri flugeldasýningu í Laugardalshöll laugardaginn 20. febrúar,“ segir í tilkynningu frá RUV sem byrjar forsölu á undankeppnina og úrslitakvöldið á hádegi í dag á tix.is

„Það verður mikið um dýrðir á öllum viðburðum. Frábærir íslenskir skemmtikraftar munu sjá um að hita áhorfendur í sal upp og í útsendingunni sjálfri er það ekki bara keppnin sjálf sem mun gleðja því boðið verður upp á æðisleg skemmtiatriði.  Sturla Atlas, Logi Pedro og Unnsteinn Manuel (101 boys) munu mæta í Háskólabíó 6. febrúar og taka Gleðibankann í sinni eigin útsetningu! Hinn eini sanni Páll Óskar Hjálmtýsson stígur svo á svið og rífur upp Eurovision stemmninguna.  13. febrúar mætir svo Högni Egilsson úr hljómsveitinni Hjaltalín og mikil leynd hvílir yfir því hvað hann mun gera á sviðinu.“

 

 

 

Lokaæfingin og úrslitakvöldið 20. febrúar verður svo algjör bomba en þá verða á sviðinu tveir Eurovision sigurvegarar! Hin belgíska Sandra Kim mætir í Höllina og syngur, J’Aime La Vie, sigurlagið 1986 sem allir muna eftir. Sænska söngkonan Loreen mætir svo á sviðið og tekur sigurlagið 2012, Euphoria. Auk þess fáum við syrpu með framlögum Íslendinga sl. 30 ár, sungna af upprunalegum söngvurum laganna. Kynnar keppninnar í ár eru þær Ragnhildur Steinunn Jónsdóttir og Guðrún Dís Emilsdóttir.

 

Á vef Söngvakeppninnar www.ruv.is/songvakeppnin er hægt að hlusta á öll lögin, kynna sér keppendur og flytjendur og margt fleira. Miðasala hefst kl. 12 í dag á www.tix.is

 

Miðasöluupplýsingar:

Eins og síðustu ár býðst almenningi að sjá keppnina með eigin augum. Hægt verður að kaupa miða á staka viðburði, en einnig verður í boði sérstakur tilboðspakki, Alla leið pakkinn , sem gildir á öll þrjú kvöldin.

Miðaverð er eftirfarandi:

Fyrri undankeppni - Háskólabíói, laugardaginn 6. febrúar kl. 19:45. Miðaverð: Kr. 2.900.

Seinni undankeppni - Háskólabíói, laugardaginn 13. febrúar kl. 19:45. Miðverð: Kr. 2.900.

Lokaæfing - Laugardalshöll, laugardaginn 20. febrúar kl. 15:15. Miðaverð: Kr. 1.900.

Úrslit - Laugardalshöll, laugardaginn 20. febrúar kl. 19:45. Miðaverð: Kr. 3.900 – 4.900.

 

Alla leið pakkinn - Öll þrjú kvöldin. Miðaverð: Kr. 7.700.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is