Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. janúar. 2016 10:19

Dalamenn mótmæla þjónustuskerðingu Íslandspósts

Á fundi sveitarstjórnar Dalabyggðar 19. janúar síðastliðinn var tekin til umfjöllunar fyrirhuguð breyting Íslandspósts á póstdreifingu til dreifbýlis sem gerð er samkvæmt heimild sem Póst- og fjarskiptastofnun gerði í samræmi við reglugerð innanríkisráðuneytisins. Þar var Íslandspósti heimilað að fækka dreifingardögum í dreifbýli niður í annan hvern virkan dag í stað daglegrar dreifingar eins og verið hefur. Kemur það þannig út að aðra hverja viku verða tveir dreifingardagar og vikuna á móti þrír dagar. Breytingin mun ekki hafa áhrif á dreifingu á póststöðvarnar sjálfar og verður því starfsemi pósthússins í Búðardal með sama móti þegar frá er talin póstdreifingin frá Búðardal til dreifbýlis. „Sveitarstjórn Dalabyggðar mótmælir boðaðri þjónustuskerðingu og álítur að um sé að ræða óþolandi mismunun milli dreifbýlis og þéttbýlis. Sérstaklega er mótmælt þeirri túlkun Íslandspósts að dreifing tvo daga vikunnar uppfylli kröfur reglugerðarinnar. Auk þess þykir dreifing með tvo daga aðra vikuna og þrjá daga hina vikuna vera ávísun á rugling og snöggtum skárra væri að hafa þrjá dreifingardaga allar vikur.“

 

 

Þá segir einnig í ályktun sveitarstjórnar að Dalabyggð sé dreifbýlt sveitarfélag og hafa íbúar nýtt hingað til ágæta þjónustu Íslandspósts á margvíslegan hátt. Sem dæmi hafa bændur getað pantað lyf hjá dýralækni í símatíma að morgni og fengið þau með póstinum samdægurs. Sama gildir að einhverju leyti um sendingar frá apótekinu og varahluti í búvélar sem eiga til að bila yfir bjargræðistímann og þurfa skjóta þjónustu. Einhverjir eru enn áskrifendur að dagblöðum enda nettengingar víða þannig að ekki er boðlegt að reyna að lesa blöðin á tölvuskjá. „Með boðari breytingu geta áskrifendur gert ráð fyrir að fá dagblöð síðustu fjögurra daga á þriðjudegi,“ segir í ályktun sveitarstjórnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is