Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. janúar. 2016 11:15

Matvælastofnun bendir á varnir gegn kverkeitlabólgu í hrossum

Í tengslum við umræðu að undanförnu um kverkeitlabólgu í Svíþjóð vill Matvælastofnun vekja athygli á mikilvægi smitvarna í hrossastofninum. „Kverkeitlabólga er alvarlegur hrossasjúkdómur sem telst landlægur í öllum okkar nágrannalöndum þó alla jafna takist að einangra þau tilfelli sem upp koma og hindra faraldra,“ segir í tilkynningu frá Matvælastofnun. „Sjúkdómurinn hefur aldrei greinst í hrossum hér á landi, þökk sé ströngum reglum um smitvarnir; banni við influtningi lifandi hrossa, notaðra reiðtygja, annars búnaðar og hanska, auk þess sem strangar kröfur eru gerðar um hreinsun fatnaðar sem notaður hefur verið í umhverfi hesta erlendis.“

Fyrstu einkenni kverkeitlabólgu eru hár hiti og lystarleysi en fljótlega kemur nefrennsli (fyrst glært en svo graftarkennt) og miklar bólgur í eitla í höfði og hálsi, jafnvel svo að hætta er á köfnun. Með tímanum grafa eitlarnir út með miklum sárum og sársauka hjá hrossunum. Meðhöndlun með penicillini er til lítils gagns þrátt fyrir að bakterían sé næm fyrir lyfinu, því hún seinkar aðeins einkennunum og er eingöngu réttlætanleg ef líf hrossins liggur við. Sjúkdómurinn veldur hrossum miklum þjáningum í langan tíma og hefur því mikil áhrif á velferð þeirra. Dánartíðni er 2-8%.

 

 

„Grun um sjúkdóminn ber að tilkynna tafarlaust til sjálfstætt starfandi dýralæknis eða Matvælastofnunar. Sértæk viðbragðsáætlun gegn sjúkdómnum byggir á langvarandi einangrun hrossaræktarbúa og/eða hesthúsa/hesthúsahvefa þar sem veikin kæmi upp og þeirra sem mögulega hefðu verið í tengslum við þá staði allt að tveimur vikum áður, samhliða reglubundinni sýnatöku og greiningarvinnu. Kostnaðurinn yrði gríðarlegur og gæti ógnað hrossaræktinni og annari hestatengdri atvinnustarfsemi,“ segir í tilkynningu Mast.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is