Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. janúar. 2016 02:34

Mældi stærstu síldartorfu sem hann hefur nokkru sinni séð

Svo virðist sem gríðarlega mikið af síld sé nú að ganga inn í Breiðafjörðinn. Skipstjórinn á Hákoni EA mældi á fimmtudagskvöldið síðasta stærstu síldartorfu sem hann hefur á ævinni séð. Var hann þá staddur á utanverðum Breiðafirði. Fréttavefurinn kvotinn.is greinir frá þessu. Haft er eftir Guðjóni Jóhannssyni skipstjóra að torfan hafi verið 1,7 sjómílur að lengd og upp í þúsund metra breið og hundrað faðma þykk þar sem hún var þykkust. „Þetta er það langmesta sem maður hefur nokkurn tímann á ævinni séð af síld og hefur maður þó verið á síldveiðum við Norður-Noreg á gullárunum,“ sagði Guðjón Jóhannsson skipstjóri í samtali við kvotinn.is á föstudaginn. „Við erum nú á síld fyrir vestan, erum að klára það litla sem var eftir af kvótanum. Við eigum eftir að taka einhver 100 tonn, þá er það búið, en kvótinn var um 6.000 tonn.

Maður þorir ekkert að kasta nót í þetta, maður er alltaf að leita að einhverju litlu til að skila hæfilegu magni fyrir vinnsluna. Ef maður setti nót ofan í þetta, fengi maður ekkert nema teinana upp, kannski korka- og blýateininn. Ég er hræddur um að garnið myndi allt hverfa og þó er ég með sterka loðnunót. Ég þori alls ekki að kasta í þetta,“ sagði skipstjórinn á Hákoni.

 

Sjá nánar frétt á kvotinn.is

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is