Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. febrúar. 2016 01:52

Snæfell landaði góðum útisigri í Keflavík

Snæfell mætti Keflavík í Domino‘s deild kvenna í körfuknattleik laugardaginn 30. janúar. Jafnt var á með liðum í upphafi leiks en Snæfellingar náðu heldur undirtökunum undir lok fyrsta fjórðungs. Keflvíkingar réðu illa við harðan varnarleik Snæfells í öðrum leikfjórðungi og hittu aðeins úr tveimur skotum sínum allan fjórðunginn. Hólmarar héldu því til hálfleiks með 15 stiga forskot, 18-33.

 

Keflvíkingar mættu ákveðnir til síðari hálfleiks og gerðu fyrstu fimm stigin. Það dugði aftur á móti skammt því Snæfell svaraði í sömu mynt og gott betur en það. Forskotið jókst jafnt og þétt, fór mest í 20 stig undir lok þriðja leikhluta. Aðeins slaknaði á leik Snæfellsliðsins eftir það og Keflvíkingar eyddu lokafjórðungnum í að saxa á forystuna. Þær komust hins vegar aldrei nær en sem nemur níu stigum. Lokatölur í Keflavík urðu 52-61, Snæfelli í vil.

Haiden Palmer var atkvæðamest með 21 stig, 14 fráköst og sex stolna bolta. Bryndís Guðmundsdóttir skoraði 17 stig og tók tíu fráköst á móti uppeldisfélagi sínu. Þá skoraði Berglind Gunnarsdóttir 14 stig og tók átta fráköst.

 

Eftir sigurinn á laugardag er Snæfell í efsta sæti deildarinnar með 28 stig eftir 16 leiki, jafn mörg og Haukar en fyrir ofan á innbyrðis viðureignum. Snæfell leikur næst miðvikudaginn 3. febrúar, þegar liðið fær Grindavík í heimsókn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is