Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. febrúar. 2016 08:01

Nemendur komu með tillögur til úrbóta á skólaþingi FVA

Svokallað skólaþing var haldið í Fjölbrautaskóla Vesturlands á Akranesi í annað sinn í síðustu viku. Er markmiðið með því að nemendur hafi áhrif á skólann á lýðræðislegan hátt og þær ákvarðanir sem eru teknar. Á þinginu var nemendum skólans skipt í ellefu hópa sem funduðu tvisvar yfir daginn. Þingið lagði alls til 39 tillögur og hver hópur valdi svo þær fimm tillögur sem þeim þóttu bestar. Í ljós kom að einfalt væri að framkvæma sumar tillögurnar án mikils kostnaðar en aðrar þyrftu skoðunar við, hvort þær væru framkvæmanlegar eða hvort þær brytu í bága við reglur skólans. Nemendur voru sammála um að þingið hafi verið gagnlegt og skemmtilegt. Rætt hafi verið um málefni skólans sem þeir geri ekki oft. Þátttaka nemenda var góð og hélt Garðar G. Norðdal stærðfræðikennari utan um skólaþingið.

 

Tillögur nemenda á skólaþinginu voru af ýmsum toga. Sem dæmi um verkefni sem nemendur vildu að yrðu framkvæmd má meðal annars nefna að þeim væri gert kleyft að geta skráð veikindi í einstaka tímum innan hvers dags; að hægt væri að sleppa við lokapróf ef meðaleinkunn er 8 eða hærri í einstökum áföngum og að gerður yrði samningur við íþróttamiðstöðina um frítt í ræktina fyrir nemendur. Sumum tillögum má koma í framkvæmd með litlum fyrirvara, svo sem að setja upp myndavélar á bílastæði skólans, sótthreinsispritt á salerni, bjalla í sal sem hringir inn í tíma og að sjúkrakössum verði fjölgað í skólanum. Þá er einnig í skoðun að boðið verði upp á hafragraut fyrir alla í fyrstu frímínútum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is