Forsíða
Auglýsing
Rss straumur af fréttum frá Skessuhorni
Lágnætti. Fjórði Laugardagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. febrúar. 2016 10:01

Michelle Bird opnar sýninguna Ástkæra Borgarnes

Laugardaginn 5. mars næstkomandi klukkan 13.00 verður opnuð sýningin „Ástkæra Borgarnes – Beloved Borgarnes“ í Safnahúsinu í Borgarnesi. Það er sýning á verkum Michelle Bird og verður í Hallsteinssal. Þetta er önnur sýning Michelle í Safnahúsi, en hún flutti fyrir nokkru til Íslands og býr í Borgarnesi. Sýningin verður opin til 8. apríl. Í tilkynningu frá Safnahúsi segir: „Í verkum Michelle má sjá hvernig hún sem listamaður upplifir og túlkar mannlíf og umhverfi Borgarness. Viðfangsefnið er náttúrufegurð staðarins og sterk tengsl íbúa við umhverfi sitt. Innsetning er í anddyri rýmisins. Þess má geta að Michelle verður með teiknismiðju fyrir alla aldurshópa tvisvar í viku á meðan á sýningunni stendur, þriðjudaga og fimmtudaga.  Vonast er til að skólar geti nýtt sér þetta til fræðslu fyrir nemendur um myndlist og vinnuaðferðir við hana.“

 

 

Michelle Bird er fædd í San Francisco árið 1965. Hún er ættuð frá Bandaríkjunum og Kína en ólst upp í San Francisco, Hawai og víðar í Kaliforníu. Hingað kom hún frá Sviss þar sem hún hafði vinnustofu síðustu árin. Hún lærði myndlist í Bandaríkjunum og í Hollandi þar sem hún var búsett um tíma. Þar lærði hún við Rietveld listaháskólann. Michelle Bird hefur sýnt víða um Evrópu og í Bandaríkjunum. Hún hefur haldið fyrirlestra um myndlist og haldið vinnustofur og auk málaralistarinnar hefur hún lagt stund á listrænt handverk.

 

Sýningin verður opin til kl. 16.00 á opnunardaginn og listakonan verður á staðnum. Eftir það verður opið virka dag kl. 13.00 – 18.00 eða eftir samkomulagi. Aðgangur er ókeypis.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is