Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. febrúar. 2016 02:01

Rótarýfélagar vekja á morgun athygli á fjölmenningu

Rótarýfélagar um land allt standa að Rótarýdeginum á morgun, laugardaginn 27. febrúar. Meðal annars munu Rótarýklubbur Borgarness og Rótaryklúbbur Akraness bjóða upp á dagskrá, af ólíkum meiði þó. Markmið dagsins er að vekja athygli á fjölmenningu og þeim fjölmörgu verkefnum sem Rótarýhreyfingin stendur fyrir hér á landi og á alþjóðavettvangi og að kalla til liðs fleiri áhugasama einstaklinga sem vilja leggja hönd á plóg.

 

Á Akranesi verður opinn fundur „Útlenskir skagamenn“ í Garðakaffi kl. 11. Vakin verður athygli á því hvernig ólíkir einstaklingar, fæddir víðs vegar um heiminn, finna sér starf og heimili á Akranesi.

 

Rótarýklúbbur Borgarness stendur fyrir opnu húsi á Bifröst með yfirskriftinni „Fjölmenning og fjölbreytni.“ Dagskráin er frá klukkan 13.30-16.45 og er í samvinnu við Háskólann á Bifröst, Hótel Bifröst, nemendafélag háskólans og konuklúbbinn Andrómedur. Boðið verður upp á lifandi, áhugavert og fræðandi, fjölmenningarlegt efni. Skiptinemar við Háskólann á Bifröst kynna menningu sinna landa. Kynningar verða frá 11 þjóðlöndum. Tælendingar sýna útskurð á ávöxtum; Lærðu að skrifa nafnið þitt á tælensku. Krakkabingó verður í boði, leikir fyrir krakka. Þá munu nemendur 9. bekkjar Varmalandskóla sjá um kaffi- og vöfflusölu.

 

Rótarýhreyfingin er meðal fremstu mannúðar- og friðarsamtaka í heimi. Rótarýfélagar vilja efla skilning á friði og vináttu á meðal manna og þjóða og vilja þjóna öðrum án tillits til þjóðernis, kynþátta, trúarbragða eða stjórnamála. „Þjónusta ofar eigin hag“ er kjörorð hreyfingarinnar og einkunnarorð alþjóðaforseta á þessu starfsári er „Verum veröld gefandi“.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is