Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. mars. 2016 09:01

Háskóladagurinn er á Vesturlandi á morgun

Stóri Háskóladagurinn var á laugardaginn í Reykjavík þar sem allir háskólar landsins kynntu starfsemi sína fyrir væntanlegum nýnemum. En Háskóladagurinn heldur áfram. Hann verður með kynningar í Fjölbrautaskóla Vesturlands og Fjölbrautaskóla Snæfellinga á morgun, þriðjudaginn 8. mars. Allir háskólar landsins kynna þar námsleiðir sínar, sem eru yfir 500 talsins, og námsráðgjafar verða á staðnum.  Kynningin á Akranesi verður kl. 10 - 11:30 og í Grundarfirði sama dag kl. 14 - 15:30.

 

 

„Það er ekki á hverjum degi sem allir háskólar landsins mæta í FVA og FSN til að kynna allt háskólanám á Íslandi,“ segir Hallfríður Þóra Tryggvadóttir, verkefnastjóri Háskóladagsins um kynningar Háskóladagsins á Vesturlandi á morgun. „Það verður bara brunað á milli skólanna því við viljum hitta sem flesta sem hafa áhuga á háskólanámi,“ segir hún jafnframt.

 

„Þetta er einstakt tækifæri fyrir þá sem ætla að hefja háskólanám næsta haust eða vilja skoða hvaða möguleikar eru í boði,“ segir Hallfríður og bætir við að allir séu velkomnir.

Háskóli Íslands, Háskólinn á Akureyri, Háskólinn á Bifröst, Háskólinn á Hólum, Háskólinn í Reykjavík, Landbúnaðarháskóli Íslands og Listaháskóli Íslands kynna námsframboð sitt, á grunn- og framhaldsstigi.

 

Háskóladagurinn veitir framtíðarnemendum tækifæri til þess að hitta námsráðgjafa, kennara, starfsmenn og nemendur háskólanna svo þeir geti tekið upplýsta ákvörðun um námsval. „Við hvetjum fólk á öllum aldri til þess að mæta hvort sem þeir eru að útskrifast úr framhaldsskóla eða vilja bæta við sig meistaranámi. Það er margt í boði í þessum sjö háskólum landsins og vert að kynna sér fjölbreytileikann sem ríkir innan veggja háskólanna," segir Hallfríður.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is