Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. mars. 2016 10:01

Ótrúlegur lokakafli tryggði Skallagrími sigur

Eins og Skessuhorn greindi frá í síðustu viku hefur Skallagrímur þegar tryggt sér deildarmeistaratitil 1. deildar kvenna og heimaleikjarétt í úrslitakeppninni, þrátt fyrir að þrír leikir væru eftir af deildarkeppninni. En þeim leikjum þarf engu að síður að ljúka og á laugardag öttu Skallagrímskonur kappi við Þór Akureyri norðan heiða. Jafnt var á með liðunum í upphafi leiks og þau skiptust á að leiða framan af, eða þar til heimakonur tóku forystuna undir lok fyrsta fjórðungs. Skallagrímskonur gerðu atlögu að heimaliðinu um miðjan annan leikhluta en tókst ekki að ná forystunni. Þór leiddi í hálfleik, 36-30.

Leikmenn Þórs réðu ferðinni í síðari hálfleik allt þar til í lokafjórðungnum. Upphófst þá ótrúlegur kafli Skallagrímskvenna. Þær settu hverja körfuna á fætur annarri á meðan heimaliðinu virtist gersamlega fyrirmunað að skora. Forystan minnkaði hratt og örugglega. Skallagrímskonur settu í fluggírinn á síðustu mínútunum og stálu sigrinum með tveimur stigum. Lokatölur 54-56, Skallagrími í vil.

Erikka Banks var stigahæst Skallagrímskvenna með 15 stig og Ka-Deidre J. Simmons skoraði 13. Guðrún Ámundadóttir og Kristrún Sigurjónsdóttir skoruðu átta stig hvor en aðrar höfðu minna.

Eftir sem áður er Skallagrímur efsta lið deildarinnar og verður allt til loka. Næst mætir liðið Njarðvíkingum í „Fjósinu“ í Borgarnesi laugardaginn 12. mars.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is