Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. mars. 2016 03:28

Rarik fjölgar jarðstrengjum og fækkar loftlínum

Fyrr í þessum mánuði skrifaði Rarik undir 25 milljóna evra lánasamning við Norræna fjárfestingarbankann. Hér er um að ræða fjármögnun á hluta af framkvæmdum við endurnýjun loftlínudreifikerfisins með jarðstrengjum. Með láninu var fjármögnun tryggð fyrir lagningu á fyrsta áfanga endurnýjunar dreifikerfisins sem ljúka á árið 2020. Unnið hefur verið að verkefninu á undanförnum árum og er ætlunin að draga með því úr truflunum og rafmagnsleysi vegna veðurs. Geta má þess að í óveðri í byrjun desember varð skaði á raflínum Rarik fyrir 80 milljónir í flestum landshlutum, þar á meðal á Vesturlandi. Með þessum aðgerðum stefnir Rarik einnig að því að draga úr viðhaldsþörf og fyrirbyggja straumleysi vegna tjóna af völdum veðurs. Rarik hefur þegar lagt 55% af dreifikerfi sínu í jörð og að loknum fyrsta áfanga verða um 2.800 km í loftlínukerfi Rarik, en fyrirtækið hefur ákveðið að endurnýja allt dreifikerfi sitt með jarðstrengjum og ljúka því um 2035.

Björn Sverrisson er deildarstjóri netreksturs Rarik á Vesturlandi. Hann hefur fyrir Skessuhorn tekið saman upplýsingar um helstu verkefni við endurnýjun á háspennu- eða dreifilínum hjá fyrirtækinu á Vesturlandi í fyrra og í ár. „Á síðasta ári voru lagðir um 40 km af háspennustreng vegna endurnýjunar og nýframkvæmda og voru um 29 km af háspennulínum teknar niður. Það er liður í markmiðum fyrirtækisins að endurnýja dreifkerfið með jarðstrengum og draga þannig úr truflunum vegna veðurs og draga úr viðhaldþörf,“ segir Björn.

 

Í Skessuhorni sem kom út í dag er farið yfir þau verkefnið sem fyrirhuguð eru á þessu ári sem og lista yfir verkefni liðins árs.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is