Nemendur Grundaskóla á Akranesi sigruðu í Vesturlandsriðli Skólahreysti sem fram fór í gær í Mýrinni í Garðabæ. Tíu skólar úr landshlutanum auk eins af Norðurlandi vestra skipuðu riðilinn. Í öðru sæti varð Grunnskóli Snæfellsbæjar og Brekkubæjarskóli á Akranesi þriðji. Keppnislið Grundaskóla skipuðu: Þór Llorens, Oskar Wasilewski og Karen Þórisdóttir og Daria Fijal. Varamenn voru Róberta Ísólfsdóttir og Ísak Máni Sævarsson. Liðið mætti einbeitt til leiks með fjölmenna stuðningssveit nemenda. Stefnan var sett á sigur og ekkert annað. Á síðasta ári voru það nemendur Brekkubæjarskóla á Akranesi sem kepptu fyrir hönd landshlutans.

Aðrir skólar sem tóku þátt voru: Auðarskóli í Dölum, Grunnskóli Borgarfjarðar,  Grunnskóli Grundarfjarðar, Grunnskóli Húnaþings vestra, Grunnskólinn í Borgarnesi, Heiðarskóli í Hvalfjarðarsveit og Grunnskóli Stykkishólms. 

Samkvæmt óstaðfestri dagskrá á heimasíðu Skólahreysti fara úrslit fram miðvikudaginn 20. apríl í Reykjavík.