Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. mars. 2016 06:01

Neyðarkerra komin á Akranes

Síðastliðinn laugardag var Rauða krossinum á Akranesi afhent neyðarkerra sem gjöf frá nokkrum aðilum á Akranesi. Neyðarkerra sem þessi inniheldur allan mikilvægasta búnað til að starfrækja fjöldahjálparstöð með gistingu fyrir 30 manns fyrsta sólarhringinn í neyðaraðgerðum. RKÍ hefur undanfarið unnið að því að koma slíkum kerrum fyrir víða um land, en yfirleitt á ein kerra að þjóna stóru svæði.

Það var Vilhjálmur Birgisson, formaður Verkalýðsfélags Akraness, sem tók að sér það verkefni að safna fyrir neyðarkerru eftir að hafa fengið ábendingu um að slík væri ekki til staðar hér á Akranesi. Hafði Vilhjálmur samband við nokkur öflug fyrirtæki á Akranesi - Norðurál, HB Granda, Elkem Ísland, Faxaflóahafnir og Akraneskaupstað - og óskaði eftir að þessir aðilar myndu leggja þessu brýna samfélagsmáli lið. Skemmst er frá því að segja að örskamma stund tók að safna fyrir kerrunni og voru allir tilbúnir til að leggja málefninu lið. Slysavarnadeildin Líf hafði samband þegar hún frétti af söfnuninni og óskaði eftir að fá að leggja fjármuni í verkefnið.

 

 

Afhending kerrunnar fór fram í björgunarsveitarhúsinu, en Björgunarsveitarfélag Akraness ætlar að annast hýsingu kerrunnar. Sveinn Kristinsson, formaður RKÍ, hélt stutta tölu og lofaði framlag gefenda sem og framgöngu Vilhjálms, sem sagði frá tilkomu kerrunnar og veitti viðtöku þakklætisvotti frá RKA. Svo skoðuðu félagar í RKA og björgunarsveitinni búnað kerrunnar, sem er all nokkur.

„Stjórn Rauða krossins á Akranesi færir fyrirtækjunum, Akraneskaupstað og slysavarnadeildinni Líf hjartans þakkir fyrir að hafa tekið svona vel í að styðja við þetta góða og þarfa verkefni og Vilhjálmi Birgissyni fyrir að hafa gengið vasklega í málið,“ segir í tilkynningu frá RKA.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is