Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. mars. 2016 09:48

Stórtónleikar á Akranesi í kvöld

Í kvöld, þriðjudaginn 22. mars, flytur Kór Akraneskirkju St John Passion (Jóhnnesarpassíu) eftir enska kórtónskáldið Bob Chilcott. Tónverkið hefur ekki verið flutt áður á Íslandi og er því um stóran viðburð að ræða. Að sögn Sveins Arnars Sæmundssonar organista og kórstjóra er þetta stærsta einstaka verkefnið sem hann hefur ráðist í með kórnum frá því hann kom á Akranes. Höfundur passíunnar, Bob Chilcott, hóf feril sinn sem atvinnusöngvari og um tólf ára skeið söng hann með hinum heimsfræga sönghópi, King’s Singers. Undanfarin ár hefur hann unnið með kórum og sönghópum og samið fjölda kórverka. St John Passion samdi hann árið 2013 og er textinn tekin beint upp úr Jóhannesarguðspjalli og fjallar um handtöku og krossfestingu Jesú Krists. Sagan er sögð af guðspjallamanni sem sunginn er tenór og hlutverk Jesú og Pílatusar eru sungin af barítónum. Inn í verkið fléttar hann glæsilegum kórköflum þar sem sungnir eru sálmar og ljóð sem tengjast þessum dramatísku atburðum.

 

 

Tónleikarnir verða haldnir á Kalmansvöllum á Akranesi en þar hefur Kór Akraneskirkju haldið marga tónleika á undanförnum árum. Íslenskum texta og myndum verður varpað á tjald svo tónleikagestir geta fylgst vel með. Sjónræn upplifun verður samhliða tónlistinni.

Þetta er gríðarlega áhrifamikið mikið verk og er farið að njóta mikilla vinsælda um allan heim. Vel samið fyrir kór og einsöngvara. Gissur Páll Gissurarson tenór syngur hlutverk guðspjallamannsins, Hafsteinn Þórólfsson túlkar Jesú og Örn Arnarson syngur hlutverk Pílatusar. Auk þeirra syngur Elfa Margrét Ingvadóttir tvær fallegar sópran aríur ásamt kórnum.

 

Aðalheiður Þorsteinsdóttir leikur á orgel og aðrir hljóðfæraleikarar eru þau Örnólfur Kristjánsson sellóleikari, Elín Björk Jónasdóttir lágfiðluleikari og trompetleikarar verða þeir Vilhjálmur Ingi Sigurðarson og Steinar Matthías Kristjánsson. Stjórnandi er sem fyrr segir Sveinn Arnar Sæmundsson.

 

Forsala aðgöngumiða er í versluninni Bjargi en miðar verða einnig seldir við innganginn verði ekki uppselt fyrir kvöldið.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is