Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. mars. 2016 12:30

Eldvörnum í leiguhúsnæði ábótavant

Eldvörnum í leiguhúsnæði á Akranesi er að jafnaði ábótavant, samkvæmt könnun sem Akraneskaupstaður gerði í samvinnu við Eldvarnabandalagið. Vel ríflega helmingur svarenda sagðist aðeins vera með einn reykskynjara eða jafnvel engan. Innan við þriðjungur er með allt í senn; reykskynjara, slökkvitæki og eldvarnateppi eins og Eldvarnabandalagið mælir með. Sambærilegt hlutfall á landsvísu er um 45%. Könnunin var gerð í tengslum við umsóknir um húsaleigubætur í janúar síðastliðnum og er liður í samvinnu Akraneskaupstaðar og Eldvarnabandalagsins um að auka eldvarnir á heimilum og vinnustöðum. Umsóknir voru alls 181 og þar af tóku 126 þátt í könnuninni eða 70%. Spurt var um fjölda reykskynjara á heimilinu og hvort fyrir hendi væru slökkvitæki og eldvarnateppi.

 

Garðar H. Guðjónsson, verkefnastjóri Eldvarnabandalagsins, segir niðurstöðurnar í samræmi við rannsóknir sem Gallup hefur gert fyrir Eldvarnabandalagið og Landssamband slökkviliðs- og sjúkraflutningamanna. „Kannanir Gallup hafa sýnt að eldvarnir eru áberandi lakari í leiguhúsnæði en hjá þeim sem búa í eigin húsnæði. Þessi könnun staðfestir að svo er einnig hér á Akranesi,“ segir Garðar og hvetur fólk sem býr í leiguhúsnæði til að huga betur að eldvörnum heimilisins.

 

Í kjölfar könnunarinnar sendu Akraneskaupstaður og Eldvarnabandalagið umsækjendum um húsaleigubætur bréf þar sem hvatt var til aukinna eldvarna. Bréfinu fylgdi handbók Eldvarnabandalagsins um eldvarnir heimilisins og bæklingar um eldvarnir á ýmsum tungumálum þar sem það átti við.

 

Aðeins ríflega 40% leigjenda á Akranesi segjast eiga eldvarnateppi en hlutfallið er 60% á landsvísu samkvæmt Gallup. Hins vegar segjast 68% eiga slökkvitæki og er það nálægt landsmeðaltali samkvæmt mælingum Gallup. Fjöldi reykskynjara á heimilum leigjenda á Akranesi er mun minni en almennt gerist. Nær 60% segjast aðeins vera með einn og jafnvel engan reykskynjara. Hlutfallið á landsvísu er helmingi lægra eða rétt um 30%. Samkvæmt ráðleggingum Eldvarnabandalagsins á staðalbúnaður á hverju heimili að vera tveir eða fleiri virkir reykskynjarar, slökkvitæki og eldvarnateppi.

mm

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is