Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. mars. 2016 02:01

Hvetja alla til að klæðast bláu á alþjóðadegi einhverfu

Alþjóðlegur dagur einhverfunnar er á morgun, föstudaginn 1. apríl. Þá hvetja samtökin Blár apríl - styrktarfélag barna með einhverfu, fólk til að klæðast bláu og vekja þannig athygli á málefnum einhverfra barna en blái liturinn hefur fest sig í sessi sem litur einhverfunnar um heim allan. „Markmið bláa dagsins er að vekja athygli á einhverfu og fá landsmenn alla til að sýna einhverfum stuðning sinn. Með aukinni vitund og þekkingu á einhverfu byggjum við upp samfélag sem er betur í stakk búið til að skilja þarfir einhverfra og virða framlag þeirra til samfélagsins. Síðustu ár hafa flestir skólar landsins og fjölmörg fyrirtæki og stofnanir tekið þátt í bláa deginum með því að hafa bláa litinn í fyrirrúmi. Margir hafa brugðið á það ráð að setja myndir á instagram og facebook og merkja þær með myllumerkinu #blarapril sem hefur gætt daginn skemmtilegum blæ og hjálpað til við að breiða út þennan jákvæða boðskap,“ segir í tilkynningu frá samtökunum.

 

 

Blái dagurinn er liður í hinu árlega vitundar- og styrktarátaki BLÁR APRÍL. Allt styrktarfé sem safnast rennur óskert til málefnisins en í ár er safnað fyrir gerð á uppbyggilegu og jákvæðu fræðsluefni um einhverfu sérstaklega ætlað börnum. Hægt er að styrkja málefnið um 1000 kr. með því að hringja í símanúmerið 902-1010 en einnig er tekið við frjálsum framlögum inn á reikning styrktarfélagsins ef einhverjir kjósa frekar að fara þá leið (kennitala: 440413-2340 og reikningsnúmer: 111-15-382809).

 

„Við hlökkum til að sjá ykkur öll í bláu föstudaginn 1. apríl. Stöndum saman og fögnum fjölbreytileikanum. Því lífið er blátt á mismunandi hátt! #blarapril Endilega fylgist með á facebook síðu styrktarfélagsins: http://facebook.com/einhverfa

 

Nokkrar áhugaverðar staðreyndir um einhverfu:

• Einhverfa er fötlun (en ekki sjúkdómur) og því meðfædd.

• Einhverfa er röskun í taugaþroska og einkennin koma venjulega í ljós fyrir þriggja ára aldur

• Einkennin birtast helst í skertri getu til að tjá sig, félagslegu samspili og áráttukenndri hegðun

• 1 af hverju 68 barni fæðist með röskun á einhverfurófi (1,5%) skv. nýjum erlendum rannsóknum

• Einhverfa er 4-5 sinnum algengari meðal drengja en stúlkna

• Það skiptir sköpum að börn með einhverfu fái greiningu og viðeigandi aðstoð sem allra fyrst

• Engin tengsl eru milli bólusetninga og einhverfu (hefur verið afsannað af vísindasamfélaginu)

• Birtingarmyndir einhverfu eru margar og birtist aldrei alveg eins hjá hverjum og einum

• Einhverfir hafa margt fram að færa og hafa sína styrkleika - eins og allir aðrir.

 

Fögnum fjölbreytileikanum og styðjum við bakið á einhverfum börnum. Klæðumst bláu á morgun, föstudag! #blarapril

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is