Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. mars. 2016 12:56

Snæfellskonur sigruðu í fyrsta leiknum

Snæfell lék sinn fyrsta leik í úrslitakeppni kvenna í körfuknattleik þegar liðið fékk Val í heimsókn í gær. Snæfellskonur hófu leikinn af miklu krafti og virtist það slá leikmenn Vals út af laginu, sem máttu sín lítils á upphafsmínútunum. Um miðjan annan leikhluta höfðu gestirnir bætt varnarleik sinn til muna og leikurinn var í járnum fram að leikhléi. Þá leiddi Snæfell með þremur stigum, 32-29.

 

Eins og svo oft áður í vetur lék Snæfell vel í þriðja leikhluta. Fyrirliðinn Gunnhildur Gunnarsdóttir var aðal konan á góðum kafla Snæfells sem náði mest 12 stiga forystu. En aftur komu Valskonur til baka. Þær skoruðu fyrstu sjö stig lokafjórðungsins og hleyptu mikilli spennu í leikinn. Þær náðu eins stigs forystu þegar fjórar mínútur voru eftir áður en Snæfell hrifsaði forskotið á nýjan leik. Lokamínúturnar voru æsispennandi og áhorfendur risu úr sætum. Snæfellskonur náðu að klára leikinn af vítalínunni og sluppu með skrekkinn því Valskonur hittu ekki úr lokaskotum sínum.

 

Haiden Palmer skoraði 31 stig í leiknum, tók níu fráköst og gaf fimm stoðsendingar. Gunnhildur skoraði 20 stig og tók sex fráköst og Berglind Gunnarsdóttir skoraði 15 stig og tók sjö fráköst.

 

Næsti leikur liðanna í undanúrslitaviðureigninni verður leikinn laugardaginn 2. apríl á heimavelli Vals. Sigra þarf þrjá leiki til að komast í úrslitaviðureignina.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is