Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. mars. 2016 01:11

Landburður af fiski hjá skipum HB Granda

Mjög góð veiði hefur verið undanfarnar vikur suður og vestur af Reykjanesi. Skip HB Granda hafa verið í góðu fiskiríi og er það einkum gullkarfi og þorskur sem bera veiðina uppi. Góð ufsaveiði var einnig á tímabili. Á vef HB Granda segir að fjöldi togara og togbáta sé nú að veiðum allt frá Vestmannaeyjum og vestur fyrir Reykjanes og að sögn Eiríks Jónssonar, skipstjóra á Sturlaugi H. Böðvarssyni AK, hefur verið landburður af fiski þær vikur sem aflahrotan hefur staðið. Allir togarar fyrirtækisins eru nú ýmist á veiðum suður af Reykjanesi eða í löndun. Helga María AK er þó í slipp. Fjöldi annarra skipa er að veiðum á svipuðum slóðum og HB Granda togararnir hafa haldið sig.

"Það þarf enginn að fara eftir þorski á Vestfjarðamið þessa dagana enda er mjög mikið af vænum þorski á öllu vertíðarsvæðinu frá Vestmannaeyjum vestur fyrir Reykjanes. Við fórum út á mánudag og höfum verið að veiðum á Eldeyjarbanka og Fjöllunum en nú erum við komnir á Tána eða á Selvogsbankann. Það hefur verið mokveiði af gullkarfa og þorski en ufsaveiðin hefur heldur tregast. Hún var hins vegar góð í nokkrar vikur,“ segir Eiríkur en að hans sögn var meðalvigtin á þorskinum hjá Sturlaugi H. Böðvarssyni tæplega 4,5 kíló í síðasta túr. Að sögn Eiríks hefur veðrið leikið við sjómenn í vetur og hann segir viðbrigðin mikil í samanburði við tvo eða þrjá síðustu vetur. ,,Það er varla hægt að tala um tafir frá veiðum vegna veðurs í vetur en til samanburðar má nefna að við þurftum hvað eftir annað að halda sjó vegna stórviðra síðustu vetur. Frátafir voru næstum því jafn tíðar og eiginlegar veiðar,“ segir Eiríkur Jónsson í viðtali við vef HB Granda.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is