Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. apríl. 2016 09:01

Mótmælastaða gegn því að sprengja upp Brákarsundsbrú

Hópur íbúa í Borgarnesi hefur ákveðið að taka sér mótmælastöðu í dag klukkan 13:00 á brúnni yfir Brákarsund í Borgarnesi. Hópurinn hyggst mótmæla harðlega þeirri ákvörðun sveitarstjórnar frá því á aukafundi í morgun að nýta heimild í gildandi skipulagi fyrir Brákarey að gera eyjuna að löggiltu skattaskjóli. Til að svo verði er ætlun sveitarstjórnar að láta sprengja brúna þannig að samgöngur af landi verði ekki mögulegar út í eyjuna, en það er skilyrði fyrir slíkum frísvæðum samkvæmt ESB reglugerð. Þessi gjörningur mun gefa Borgarbyggð möguleika til að láta byggja upp fríverslun í eyjunni og heimila jafnframt fjármálafyrirtækjum að taka sér þar lögheimili. "Þetta þýðir að hægt verður að veita fyrirtækjum með starfsemi í eyjunni gríðarleg skattaleg fríðindi en færa sveitarsjóði engu að síður gríðarlegar tekjur. Við getum vel byggt hér skattaskjól líkt og þekkt er t.d. á Bresku Jómfrúreyjum. Þetta

yrði svona win-win fyrir bæði fjármálafyrirtækin og okkur, sannkölluð Tortóla norðursins og myndi vekja gríðarlega athygli," sagði Björn Bjarki Þorsteinsson forseti sveitarstjórnar í samtali við Skessuhorn.

 

"Við viljum enga andskotans fjármálamógulá hingað í Borgarnes og krefjumst þess að fá að hafa litlu og friðsælu eyjuna okkar í friði. Fornbílafjelagið væri auk þess komið í húsnæðisþröng og ýmislegt sem byggt hefur verið upp í eyjunni á síðustu árum yrði unnið fyrir gýg. Því ætlum við að mótmæla þessum áformum sveitarstjórnar og koma saman á brúnni klukkan 13 í dag," sagði einn skipuleggjenda mótmælanna í samtali við Skessuhorn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is