Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. apríl. 2016 05:11

Kallað eftir afsögn forsætisráðherra

Áætlað er að minnsta kosti tíu þúsund manns séu saman komin á Austurvelli í Reykjavík en þar hófst klukkan 17 mótmælafundur. Krafa fundarmanna er ótvíræð: "Að ríkisstjórn Framsóknarflokks og Sjálfstæðisflokks segi af sér." Það er Jæja - hópurinn sem stendur fyrir boðun mótmælanna og er Illugi Jökulsson aðalræðumaður. Vel viðrar á mótmælendur og heimildir Skessuhorns segja að fjölmörgum fyrirtækjum hafi verið lokað til að starfsmenn gætu tekið þátt.

 

Eins og fram kom í fréttum í dag hyggst Sigmundur Davíð Gunnlaugsson forsætisráðherra ekki axla ábyrgð vegna uppljóstrana gærdagsins um fé hans og eiginkonu hans í skattskjóli í suðrænum löndum. Kveðst hann hvorki hafa íhugað afsögn sína né ríkisstjórnarinnar. Hann hefur þó beðist afsökunar á klaufalegum svörum þegar hann veitti sænskum fréttamanni viðtal í ráðherrabústaðnum 11. mars síðastliðinn, en viðtalið í heild var sýnt í Kastljósi RUV í gær klukkan 18.

 

Við upphaf þingfundar í dag deildu stjórnarandstæðingar hart á forsætisráðherra vegna uppljóstrana um eignir og skráningu félags á Bresku Jómfrúreyjum. Þingmaður Bjartrar framtíðar sagði forsætisráðherra vera frægasta fjárglæframann heimsbyggðarinnar og setti forseti þingsins ofan í við þingmanninn fyrir að beita slíku orðfæri. Bjarni Benediktsson formaður Sjálfstæðisflokksins er í páskafríi erlendis og tók því ekki þátt í þingstörfum í dag.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is