Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. apríl. 2016 11:42

Skallagrímur sigraði en ÍA tapaði

Í gær léku Vesturlandsliðin ÍA og Skallagrímur í úrslitakeppni 1. deildar karla í körfuknattleik.

Skallagrímsmenn voru 2-0 undir í viðureign sinni gegn Val og Borgnesingar því að duga eða drepast þegar liðin mættust í Reykjavík í gær.

Skallagrímsmenn byrjuðu betur í leiknum, brydduðu upp á svæðisvörn sem gerði leikmönnum Vals erfitt fyrir. Þeir fóru hins vegar illa með nokkur opin skot og fyrir vikið færðust heimamenn fljótlega nær og leikurinn varð jafn og spennandi. Í hálfleik leiddi Skallagrímur með tveimur stigum, 36-34.

Leikmenn Skallagríms byrjuðu síðari hálfleikinn vel en eftir það tók við kafli Valsmanna sem komust yfir og höfðu fimm stiga forystu fyrir lokafjórðunginn. Skallagrímsmenn gerðu áhlaup sem Valsarar stóðu af sér, en vilji Borgnesinga til að vinna leikinn var sterkur. Þeir náðu forystunni á nýjan leik og höfðu að lokum tveggja stiga sigur eftir spennandi lokamínútur og mikla baráttu, 76-78.

Sigtryggur Arnar Björnsson skoraði 28 stig fyrir Skallagrím en J.R. Cadot kom honum næstur með 23 stig og 15 fráköst.

 

Skagamenn töpuðu stórt

ÍA og Fjölnir höfðu unnið einn leik hvort þegar liðin mættust í Grafarvogi.

Jafnt var á með liðunum í upphafsfjórðungnum og bæði lið hittu vel. En í öðrum leikhluta hófu Fjölnismenn stórskotahríð frá þriggja stiga línunni. Þeir hittu vel og juku forskotið í níu stig fyrir hálfleik, 49-40.

Skagamenn héngu í heimaliðinu framan af þriðja leikhluta en eftir það fór að syrta í álinn fyrir þeim. Fjölnismenn keyrðu upp hraðann, spiluðu fast og smám saman dró af Skagaliðinu. Í lokafjórðungnum stungu þeir svo endanlega af og unnu að lokum stórsigur, 108-72.

Jón Orri Kristjánsson skoraði 20 stig og tók 13 fráköst fyrir ÍA. Fannar Freyr Helgason skoraði ellefu stig, Áskell Jónsson tíu og aðrir höfðu minna.

 

Leikið á fimmtudag

Bæði Skallagrímur og ÍA eru því 2-1 undir í viðureignum sínum, en sigra þarf þrjá leiki til að komast áfram í úrslitaviðureignina. Fjórði leikdagur úrslitakeppninnar er fimmtudagurinn 7. apríl og hefjast leikirnir klukkan 19:15. Þar eru Vesturlandsliðin tvö í nákvæmlega sömu stöðu. Þau leika bæði á heimavelli annað kvöld og verða að sigra til að knýja fram oddaleik í viðureignum sínum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is