Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. apríl. 2016 12:34

Forseti Alþingis á ferð um Vesturland með forseta Kýpurþings

Forseti þjóðþings Kýpur, Yannakis L. Omirou, var í opinberri heimsókn á Íslandi dagana 3.-5. apríl í boði Einars K. Guðfinnssonar, forseta Alþingis. Ferðin var viðburðarík og dagskráin á ýmsan hátt ófyrirséð vegna þeirra atburða sem urðu í stjórnmálum á Íslandi á meðan dvöl hins erlenda gests stóð.  Forseti Kýpurþings og sendinefndin frá Kýpur kom á sunnudag og eyddi fyrsta degi heimsóknar á Vesturlandi í fylgd Einars K. Guðfinnssonar, forseta Alþingis og eiginkonu hans, Sigrúnar J. Þórisdóttur og starfsmanna Alþingis.  Heimsóttu þau Landnámssetrið í Borgarnesi þar sem Kjartan Ragnarsson tók á móti gestum og fræddi um uppbyggingu setursins og sýninguna sem gaf gestunum góða innsýn í upphaf Íslandsbyggðar.  Þaðan lá leiðin í Reykholt og tóku presthjónin sr. Geir Waage og Dagný Emilsdóttir vel á móti hinum erlendu gestum.  Sýndi sr. Geir Snorrastofu og Reykholtskirkju og rakti hina merku sögu sturlungaaldar á lifandi hátt. Í eftirmiðdaginn sýndi Einar K. Guðfinnsson gestunum náttúru Borgarfjarðar og gisti sendinefndin frá Kýpur á Hótel Húsafelli aðfararnótt sunnudags.

 

Á mánudag og þriðjudag átti forseti Kýpurþings fundi með forseta Íslands, hr. Ólafi Ragnari Grímssyni, á Bessastöðum, Einari K. Guðfinnssyni, forseta Alþingis, fulltrúum þingflokka og forsætisnefnd, ásamt því að heimsækja Seðlabanka Íslands og funda með Má Guðmundssyni seðlabankastjóra og stjórnendum Seðlabanka Íslands.  Á þriðjudag hélt forseti þjóðþings Kýpur og sendinefnd af landi brott eftir viðburðaríka dvöl á Íslandi.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is