Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. apríl. 2016 09:27

Skallagrímsmenn tryggðu sér oddaleik

Eftir að hafa tapað fyrstu tveimur leikjum sínum og verið stillt upp við vegg í viðureigninni gegn Vel hafa Skallagrímsmenn heldur betur hleypt spennu í rimmuna á ný. Þriðji leikur liðanna fór fram í Borgarnesi í gær og þar gerðu heima menn sér lítið fyrir og jöfnuðu leika. Hvort lið hefur nú unnið tvo leiki og grípa þarf til oddaleiks til að knýja fram úrslit í viðureigninni.

 

Jafnt var á með liðunum í upphafi leiks og staðan jöfn eftir fyrsta fjórðunginn. Leikurinn var í járnum þar til skömmu fyrir hálfleik. Þá upphófst góður leikkafli Skallagrímsmanna sem tóku öll völd á vellinum. Skilaði það tólf stiga forskoti í hálfleik, 45-33 og heimamenn í góðri stöðu.

 

Leikkaflinn góði í lok fyrri hálfleiks lagði grunn að sigri Skallagríms. Þeir hleyptu Valsmönnum aldrei inn í leikinn aftur heldur héldu þeim í skefjum. Það var ekki fyrr en undir lok leiksins að leikmenn Vals náðu aðeins að minnka muninn en sigur Skallagríms var aldrei í hættu. Lokatölur í Borgarnesi, 78-71.

 

J.R. Cadot átti magnaðan leik fyrir Skallagrím. Hann setti upp sannkallaða tröllatvennu með 26 stig og 24 fráköst. Auk þess gaf hann fimm stoðsendingar. Honum næstur kom Davíð Ásgeirsson með 13 stig og átta fráköst og þá Sigtryggur Arnar Björnsson, einnig með 13 stig.

 

Oddaleikur liðanna fer fram í Valshöllinni sunnudaginn 10. apríl næstkomandi þar sem skýrist hvort liðið mætir Fjölni í úrslitaviðureigninni um laust sæti í úrvalsdeild.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is