Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. apríl. 2016 06:01

Hvað kenndi Snorri í Reykholti og Ólafur hvítaskáld í Stafholti?

Í kvöld, þriðjudaginn 12. apríl, flytur Kristján Árnason prófessor við Íslensku- og menningardeild Háskóla Íslands fyrirlestur við Snorrastofu í Reykholti, sem hann nefnir Íslenskunámskrá í Borgarfirði á Sturlungaöld: Hvað kenndi Snorri í Reykholti og Ólafur hvítaskáld í Stafholti? Fyrirlesturinn er samvinnuverkefni Snorrastofu og Miðaldastofu Háskóla Íslands og fer fram í bókhlöðunni. Hann er hluti fyrirlestraraðar Snorrastofu, Fyrirlestrar í héraði og hefst að venju kl. 20:30.

Fjallað verður um einkenni menntunar þeirrar sem þeir frændur Snorri og Ólafur buðu verðandi skáldum og skrifurum í menntastofnunum sínum – Reykholti og Stafholti.  Í Reykholti var væntanlega kennd Snorra-Edda - kennslubók í norrænni skáldskaparlist og líklegt er að Ólafur og Sturla bróðir hans hafi verið meðal nemenda Snorra í Reykholti. Ólafur rak síðar skóla í Stafholti og finnst Kristjáni líklegt að þar hafi farið fram kennsla í málvísi og því sem nú heitir ritlist eða skapandi skrif, þ.e.a.s. í Stafholti hafi verið skáldaskóli, a.m.k. „skáldskaparfræðideild“ eða „-námsbraut“.

 

 

Um efni fyrirlestursins segir Kristján sjálfur: „Stundum er spurt hvort Snorri Sturluson hafi kunnað latínu - svo þjóðleg teljast fræði hans í Eddu- og sagnalist. Hins vegar velkist enginn í vafa um að bróðursonur hans, Ólafur hvítaskáld Þórðarson, hafi verið lærður í heimstungunni. Menn gera ráð fyrir að á ferðum sínum erlendis hafi hann lært margt, og segir hann reyndar sjálfur frá því í málfræðiritgerð sinni að Valdimar Danakonungur hafi kennt sér eitt og annað um rúnir. Helgi Þorláksson hefur í nýrri Skírnisgrein leitt að því líkum að Snorri hljóti að hafa lært að minnsta kosti samsvarandi því sem einu sinni var kallað fjórða bekkjar latína þegar hann var í Odda. En norræn skáldskaparfræði hljóta líka að hafa verið kennd á þeim bæ. Snorri hélt því áfram í Reykholti og Ólafur í Stafaholti, sá síðarnefndi með viðbót úr fræðum Donatusar og Pricianusar.“

 

Kristján Árnason er fæddur 1946. Hann lauk kandídatsprófi í íslenskri málfræði frá Háskóla Íslands 1974 og doktorsprófi í almennum málvísindum frá Edinborgarháskóla 1977. Hann hefur starfað við kennslu og rannsóknir, lengst af sem prófessor í íslenskri málfræði við Háskóla Íslands. Kristján hefur ritað fjölda ritgerða og fræðibóka sem birst hafa hér á landi og á alþjóðavettvangi.

 

Fyrir um ári síðan var þessi fyrirlestur á dagskrá Snorrastofu en var frestað vegna óveðurs. Nú er þess að vænta að öll hamlandi óveður séu um garð gengin og næði fáist til að skoða menntastofnanir héraðsins á miðöldum. Að venju verður boðið til kaffiveitinga og umræðna á fyrirlestrinum og aðgangseyrir er kr. 500.

 

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is