Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. apríl. 2016 11:03

Jafnt í viðureign Skallagríms og Fjölnis

Skallagrímur etur um þessar mundir kappi við Fjölni í úrslitaviðureign 1. deildar karla í körfuknattleik. Eftir góðan sigur í fyrsta leik var komið að Skallagrímsmönnum að taka að sér hlutverk gestgjafanna þegar liðin mættust öðru sinni í Borgarnesi í gærkveldi. Heimamenn voru kannski heldur gestrisnir í það skiptið, þeir sendu Fjölnismenn heim sadda og sæla með sex stiga sigur í farteskinu. Viðureignin er því jöfn, hvort lið með einn sigur. Leikurinn fór fjörlega af stað, bæði lið léku hraðan sóknarleik og nokkuð sterkan varnarleik. J.R. Cadot fór mikinn í fyrsta leikhluta og dró vagninn fyrir Skallagrím. Fjölnir var þó aldrei langt undan. Þeir jöfnuðu um miðjan annan fjórðunginn en það voru Borgnesingar sem leiddu í hálfleik, 44-43.

 

 

Gestirnir komu ákveðnir til leiks eftir hléið. Vörn Skallagríms var aðeins farin að gefa eftir en Fjölnismenn létu boltann ganga. Leikmenn Skallagríms létu þó ekki stinga sig af á heimavelli og spyrntu við fótum. En þeir höfðu ekki erindi sem erfiði. Eftir spennuþrungnar mínútur náði Fjölnir sjö stiga forystu undir lokin og reyndist það Skallagrími um megn. Lokatölur í Borgarnesi voru 85-91, Fjölni í vil.

 

Áðurnefndur J.R. Cadot átti stórleik fyrir Skallagrím og daðraði við þrennuna. Hann skoraði 35 stig, tók 11 fráköst og gaf sjö stoðsendingar. Kristófer Gíslason skoraði 13 stig og tók sjö fráköst, Davíð Ásgeirsson skoraði ellefu stig og Sigtryggur Arnar Björnsson var með tíu stig og sjö stoðsendingar.

 

Fyrir Fjölni var Collin Pryor atkvæðamestur. Hann setti upp sannkallaða tröllatvennu, skoraði 27 stig og tók 25 fráköst.

Viðureign Skallagríms og Fjölnis er sem fyrr segir jöfn, bæði lið hafa sigrað einn leik.

 

Þriðji leikur liðanna fer fram í Grafarvogi miðvikudaginn 20. apríl.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is