Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. apríl. 2016 12:54

Nýja aðveitustöðin á Akranesi tengd í sumar

Í sumar verður ný aðveitustöð á Akranesi tengd við rafdreifikerfi Veitna í bænum. Spennustöðvarnar í bænum verða tengdar hver á eftir annarri og rafmagnslaust verður í 30-120 mínútur hjá hverjum notanda meðan á tengingu stendur. Nákvæmari upplýsingar verða veittar þegar nær dregur, segir í tilkynningu frá fyrirtækinu. Starfsfólk Veitna bendir viðskiptavinum á að hentugt getur verið að hafa GSM-númerið sitt á skrá á „Mínum síðum“ á vef Veitna þannig að þeir fái smáskilaboð um straumleysið þegar þar að kemur.

 

Aukin flutningsgeta – aukið öryggi

Byggð hefur verið ný aðveitustöð rafmagns á Smiðjuvöllum 24 á Akranesi og leysir hún af hólmi stöðina við Þjóðbraut 44. Þessa dagana er verið að leggja lokahönd á uppsetningu rafbúnaðar í stöðinni. Áformað er að tengja háspennudreifikerfið á Akranesi við nýju stöðina í sumar. Í háspennudreifikerfi Veitna á Akranesi eru 55 háspennustrengir og 45 spennustöðvar. Stöðvarnar eru nú tengdar gömlu aðveitustöðinni. Áætlanir gera ráð fyrir að tengingar taki 10 virka daga. Tengd verður ein spennustöð í einu við nýju aðveitustöðina og þannig koll af kolli þangað til allar 45 spennustöðvar bæjarins hafa verið tengdar nýju stöðinni.

 

Notendur sem tengjast viðkomandi spennistöð verða án rafmagns á meðan tengingu hennar við nýju aðveitustöðina stendur. „Gera má ráð fyrir að straumleysið vari frá hálfri klukkustund til tveggja klukkustunda komi ekkert óvænt upp á. Um leið og háspennudreifkerfi bæjarins verður tengt við nýja aðveitustöð verður rekstraspennu dreifikerfisins breytt úr 6 í 11 kílóvolt og með þeirri breytingu eykst flutningsgeta dreifikerfisins. Starfsfólk Veitna vonast til að truflanir vegna rafmagnsleysis verði sem minnstar og að Akurnesingar sýni þessu skilning. Nánari upplýsingar um tímasetningu verða veittar þegar nær dregur, meðal annars með skilaboðum til íbúa. Á Mínum síðum á vef Veitna geta íbúar gengið úr skugga um hvort rétt farsímanúmer er skráð,“ segir í tilkynningu.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is