Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2016 10:01

Segir þetta stærstu byltingu sem orðið hafi í vegheflun í þrjátíu ár

Guðþór Sverrisson úr Stykkishólmi hefur undanfarin 27 ár starfað sem veghefilsstjóri á sumrin. Blaðamaður Skessuhorns hitti Guðþór, sem oftast er kallaður Gussi, í síðustu viku þar sem hann var við vegheflun í gamla Álftaneshreppi á Mýrum. „Ég byrjaði 1989 hjá Vegagerðinni í Stykkishólmi og Ólafsvík. Síðan fór ég út í einkarekstur árið 2004 þegar ég stofnaði fyrirtækið Gussi ehf. Allan þann tíma hef ég verið á Caterpillar, það eru langbestu heflarnir,“ segir Gussi. Inntur um ástæður þess þykir honum sú tegund liprari en aðrar sem hann hefur unnið á. Glussakerfið sé sneggra og hann hafi því ákveðið að halda sig við þá tegund. „Ég var á Caterpillar fyrst þegar ég byrjaði hjá Vegagerðinni á sínum tíma, líkaði vel, þetta eru skemmtileg tæki. Því ákvað ég að kaupa þannig hefil þegar ég byrjaði með eigið fyrirtæki,“ segir Gussi. Hann ekur nú nýlegum hefli af þeirri tegund og fræðir blaðamann um að honum sé aðeins stjórnað með tveimur stýripinnum. „Ég er enn að venjast því að hafa ekkert stýri fyrir framan mig,“ segir hann og brosir.

Gussi segir að alla tíð hafi nóg verið að gera í vegheflun, hann hafi ekki fundið verulega fyrir hruninu og þjónustu hans alltaf verið þörf. „Það slapp vel til, ég hef alltaf haft nóg að gera,“ segir hann.

 

Sjá viðtal við Gussa veghefilsstjóra í Skessuhorni vikunnar. Þar er meðal annars sagt frá athyglisverðum búnaði, valtara aftan á hefilinn, sem Gussi segir stærstu byltingu í þessari atvinnugrein á síðari árum.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is