Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. apríl. 2016 10:01

Ráðstefna um staðaranda Vesturlands verður í byrjun maí

Miðvikudaginn 4. maí verður haldin á Hvanneyri ráðstefna um staðaranda Vesturlands. Ber hún yfirskriftina „Blásið til sóknar: Staðarandi Vesturlands - innviðir - ímynd og sóknarfæri.“ Er hún haldin á vegum Samtaka sveitarfélaga á Vesturlandi og umhverfisskipulagsbrautar Landbúnaðarháskóla Íslands, með stuðningi frá sóknaráætlun. Ráðstefnunni er ætlað að leiða Vestlendinga til samtals um sérkenni sveitarfélaga og hvernig þau geta nýst sem sókn í ímyndarvinnu og atvinnutækifærum. Halldór Halldórsson formaður Sambands íslenskra sveitarfélaga setur ráðstefnuna en að henni kemur fjöldi fyrirlesara, svo sem Björg Ágústsdóttir frá Alta, Vífill Karlsson, Daði Guðjónsson frá Íslandsstofu, Sævar Freyr Sigurðsson frá Saga Travel, Bryndís Geirsdóttir frá Hinu blómlega búi og Edda Ívarsdóttir frá LbhÍ. „Einnig hafa nemendur umhverfisskipulagsbrautar unnið mörg greiningar- og hönnunarverkefni á Vesturlandi sem verða til kynningar á ráðstefnunni. Þá verður opnuð vefsíða og mörg verkefnanna gerð aðgengileg. Sveitastjórnarfólk, ferðaþjónustuaðilar og allt áhugafólk um betri byggð er hvatt til að taka daginn frá því svo sannarlega eru sóknarfæri svæðisins mörg,“ segir í tilkynningu um ráðstefnuna.

Þörf fyrir hið einstaka

„Hver staður er einstakur og hefur sína sál eða anda sem greinir hann frá öðrum. Á tímum hnattvæðingar þegar hvers kyns straumar og stefnur æða heimshorna á milli á augabragði steðjar ákveðin hætta að anda staðanna. Stöðluð uppbygging samgöngumannvirkja, bygginga og opinna svæða gerir það að verkum að ólíkum stöðum svipar sífellt meira til hvors annars. Á sama tíma eykst þörfin á hinu einstaka, sem ekki finnst annars staðar. Sú þörf er jafnt hjá þeim sem heimsækja staðina sem ferðamenn, þeim íbúum sem vilja laða til sín ný atvinnutækifæri og þeim sem leita eftir þráðum sem tengja samfélagið saman. Í þessu samhengi er staðarvitund mjög mikilvægt hugtak og mun vægi þess aukast hérlendis á komandi árum fylgi Ísland þeirri bylgju sem farið hefur um nágrannalönd okkar,“ segja Helena Guttormsdóttir, lektor og brautarstjóri LbhÍ og Hrafnkell Proppé, svæðisskipulagsstjóri höfuðborgarsvæðisins, í tilkynningunni. Enn fremur útskýra þau hvað staðarvitund er: „Góð staðarvitund felst í því að geta greint þau fjölmörgu atriði sem staðarandinn byggir á, skilja samspilið á milli þeirra, meta þá þætti sem draga úr sérkennum og þá þætti sem styrkja þau. Þessi atriði geta átt sér stað í náttúrulegri umgjörð, byggingasögulegri arfleifð og í mannlífinu sjálfu fyrr og nú. Sem dæmi um birtingaform þessa þátta má nefna litasamspil sem má finna bæði í náttúrulegri umgjörð og mannvirkjum, Endurtekningu forma, lykt og viðmót svo eitthvað sé nefnt.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is