Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. apríl. 2016 02:26

„Ef Guð og Íslandspóstur lofar fæ ég sex daga Moggaskammt í dag“

Eins og kunnugt er ákvað Íslandspóstur að skerða þjónustu sína á landsbyggðinni frá og með 1. apríl síðastliðnum. Breytingin felst í því að póstferðir í dreifbýlið eru nú einungis tvær aðra hverja viku (þriðjudaga og fimmtudaga), en þrjár hina vikuna (mánudaga, miðvikudaga og föstudaga). Mörgum íbúum í dreifbýli fellur þessi breyting illa og telja að stjórnendur Íslandspósts ættu að endurskoða ákvörðun sína og reyna að minnsta kosti að hafa póstþjónustuna ekki verri en hún hefur verið á liðnum árum. En þessi slaka þjónustu Íslandspósts keyrði um þverbak í síðustu viku þar sem póstferð á fimmtudegi féll niður þar sem um frídag var að ræða, sumardaginn fyrsta. Sambærileg staða kemur svo upp í næstu viku þegar fimmtudagurinn 5. maí er lögbundinn frídagur. Áskrifandi að Morgunblaðinu sem hafði samband við ritsjórn Skessuhorns í morgun upplýsti að í dag ætti hann von á sex daga skammti af Mogganum; „ef Guð og Íslandspóstur lofar,“ eins og hann orðaði það.

 

 

Íslandspóstur er opinbert hlutafélag sem þýðir að það eru stjórnmálaflokkarnir sem skipa stjórn þess og bera ábyrgð á öllum stefnumarkandi ákvörðunum sem þar eru teknar. Forstjóri Íslandspósts er Ingimundur Sigurpálsson. Samkvæmt heimasíðu Íslandspóst skipa eftirtaldir einstaklingar stjórnina:

 

Eiríkur Haukur Hauksson er formaður stjórnar, fæddur árið 1973. Hann er viðskiptafræðingur frá Háskóla Íslands.

 

Jón Ingi Cæsarsson er fæddur árið 1952. Hann hefur landspróf og próf frá Póst- og símaskólanum og er starfsmaður Íslandspósts. Hann hefur setið í stjórn frá 2009.

 

Ólöf Kristín Sveinsdóttir er fædd árið 1965. Hún er bókari að mennt. Ólöf hefur setið í stjórn félagsins frá því í mars 2014.

 

Preben Jón Pétursson er fæddur árið 1966. Hann er tæknifræðingur að mennt. Preben hefur setið í stjórn félagsins frá því í mars 2014.

 

Svanhildur Hólm Valsdóttir er fædd árið 1974. Hún er lögfræðingur að mennt. Svanhildur hefur setið í stjórn félagsins frá því í mars 2014. Svanhildur Hólm er aðstoðarmaður Bjarna Benediktssonar fjármálaráðherra og formanns Sjálfstæðisflokksins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is