Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. maí. 2016 10:05

Góður útisigur Víkings í fyrsta leik Íslandsmótsins

Íslandsmótið í knattspyrnu hófst með formlegum hætti í gær þegar leiknir voru fjórir leikir í Pepsi deild karla. Nýliðar Víkings Ólafsvíkur byrjuðu mótið vel. Þeir gerðu sér lítið fyrir og unnu Breiðablik á útivelli með tveimur mörkum gegn einu.

Þorsteinn Már Ragnarsson kom Víkingi yfir á 33. mínútu með frábæru marki. Hrovje Tokic var að snúa sig fram hjá varnarmanni um 30 metra frá markinu. Hann missti boltann aðeins inn á völlinn en missti aðeins jafnvægið. Það kom þó ekki að sök því Þorsteinn kom aðvífandi og negldi boltanum upp í hornið. Stórglæsilegt mark sem skildi liðin að í hálfleik.

Blikar mættu mjög ákveðnir til síðari hálfleiks. Sköpuðu vörn Víkinga tvisvar sinnum vandræði áður en þeir jöfnuðu á 48. mínútu. Boltinn barst inn á teiginn og Cristian Liberato kom út úr markinu en mistókst að koma boltanum frá. Andri Rafn Yeoman þakkaði fyrir sig og renndi boltanum í autt markið.

Leikurinn var mjög líflegur þarna í upphafi síðari hálfleiks. Skömmu eftir markið voru Blikar heppnir að skora ekki sjálfsmark og mínútu síðar björguðu Víkingar á línu. Eftir það róaðist leikurinn heldur. Það var ekki mikið að gerast á vellinum þegar Víkingar skoruðu sigurmarkið. Kenan Turudija fékk boltann við vítateigshornið hægra megin og þrír Víkingar í teignum. Hann hafði hins vegar ekki hug á að gefa boltann. Hnitmiðað innanfótarskot hans hafnaði í fjærhorninu, sláin inn. Kenan átti aftur eftir að koma við sögu áður en leik lauk. Á loka mínútunni var hann of seinn í tæklingu og braut af sér. Að launum hlaut hann sitt annað gula spjald og þar með rautt.

Sigurinn tryggði Víkingi góð þrjú stig í komandi baráttu. Geta má þess að síðast þegar Víkingar voru í efstu deild, sumarið 2013, þurftu þeir að bíða í níu leiki eftir sínum fyrsta sigri.

Næsti leikur Víkinga fer fram sunnudaginn 8. maí þegar þeir taka á móti Valsmönnum í Ólafsvík.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is