Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. mars. 2005 09:07

Fiðlarinn er kominn á flug

Hinn þekkti söngleikur “Fiðlarinn á þakinu” var frumsýndur hjá Leikfélaginu Grímni í Stykkishólmi 17. mars s.l. Söngleikurinn fjallar í stuttu máli um mjólkurpóstinn og gyðinginn Tevye, fjölskyldu hans og nágranna í þorpinu Anatevka í Rússlandi. Sagan gerist í kringum aldamótin 1900 á miklum umrótatímum þegar kommúnisminn er að ryðja sér til rúms í Rússlandi og gyðingar eru hraktir frá heimkynnum sínum.

Sagan er í eðli sínu sorgleg en í leikverkinu ræður léttleiki og kátína ríkjum og mikið er sungið og dansað.

Ingunn Jensdóttir er leikstjóri sýningarinnar, en hún hefur mikla reynslu af uppfærslu söngleikja og leikstýrði m.a. Fiðlaranum á þakinu hjá  Menntaskólanum á Laugarvatni fyrir 10 árum síðan. Það er mál manna að vel hafi tekist til og var leikurum og aðstandendum fagnað mjög að lokinni sýningu. Það er í rauninni  þrekvirki að koma svo viðamikilli sýningu upp hjá áhugafólki í litlum bæ eins og Stykkishólmi og vel flestir gera þetta með fullri vinnu.

Gríðarleg vinna liggur að baki svona uppfærslu og má segja að undirbúningur hafi hafist strax í september s.l. þegar fundað var um verkefni leikársins. Að finna fólk í öll hlutverkin  getur verið mikil þrautaganga  þegar um svo mannfrekt stykki er að ræða, en um fimmtíu manns koma fram á sviðinu. Það er því mjög ánægjulegt hve vel hefur tekist til að skipa í stöðurnar og að sjá hve leikarar þó óreyndir séu blómstra í hlutverkum sínum. Fjölmargir unglingar koma fram í sýningunni og dansa og syngja af hjartans list en segja má að fólk á öllum aldri taki þátt, allt frá grunnskólanemendum til eftirlaunaþega.

Með hlutverk Tevye mjólkurpósts fer Tryggvi Gunnarsson, Margrét Ásgeirsdóttir er í hlutverki Goldu konu hans og með hlutverk dætranna fimm fara þær Eyrún Arnars Árnadóttir, Anna Margrét Ólafsdóttir, Elín Ragna Þórðardóttir, Jónína Riedel og Sóley Riedel.

Tónlistin skipar stóran sess í Fiðlaranum á þakinu og  þeir gamalreyndu kappar Hafsteinn Sigurðsson, Jón Svanur Pétursson, Jósep Blöndal og Lárus Pétursson  leysa það verkefni með glæsibrag. Jóhanna Guðmundsdóttir organisti við Stykkishólmskirkju stjórnar kórsöng, en félagar úr kórnum taka þátt í sýningunni.

Að leikmyndinni störfuðu þeir: Jón Svanur Pétursson, Pálmi Ólafsson, Jóhann Hinriksson og Georg Ólafsson. Júlíus Larsen og Þorsteinn Sigurðsson sjá um tæknimál og lýsingu og Stefanía Aradóttir hafði yfirumsjón með hönnun og gerð leikbúninga.

 

Það verður enginn svikinn af að fara og sjá Fiðlarann á þakinu í Hótel Stykkishólmi, en næstu sýningar eru miðvikudaginn 23. mars kl. 20.00 og á annan í páskum kl. 16.00. Miðapantanir eru í s. 847 1077.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is