Aðfararnótt sl. sunnudags var lögreglan á Akranesi kvödd að veitingastað í bænum.  Þar inni hafði maður ráðist að bróður sínum vopnaður dúkahnífi og veitt honum áverka.  Dyraverðir á staðnum höfðu náð að stöðva árásarmanninn en hann var horfinn af vettvangi þegar lögregla kom.  Maðurinn var handtekinn skömmu síðar á heimili sínu. Árásarþoli sem var talsvert skorinn í andliti og á líkama varð færður undir læknishendur og fékk hann að fara heim að aðgerð lokinni þar sem meiðsli hans reyndust ekki eins alvarleg og í fyrstu virtist.

Árásarmaðurinn á við geðræn vandamál að stríða og var komið undir læknishendur eftir skýrslutöku.  Hann hefur verið vistaður á geðdeild.   Lögreglan lítur málið alvarlegum augum þar sem um hættulega aðför var að ræða og vopni beitt.  Unnið er að rannsókn málsins.