Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. apríl. 2005 04:54

Veggjald og þverun Grunnafjarðar meðal umræðuefna

Veggjaldið í Hvalfjarðargöngum var aðalumræðuefnið í ýmsum myndum á borgarafundi sem Markaðsráð Akraness stóð fyrir í gærkvöldi um samgöngumál á Skaganum. Í lok fjölmenns fundar var samþykkt að skora á Sturlu Böðvarsson samgönguráðherra að beita sér fyrir því að lækka gjaldið enn frekar eða fella það brott. Ráðherra svaraði því til að ríkisstjórnin ætlaði sér ekki að borga upp skuldir Spalar og útrýma þannig veggjaldinu en benti á að hún hugleiddi að lækka neðra þrep virðisaukaskattsins. Þar með kynni að draga úr skattlagningu á veggjaldinu og það gæti lækkað sem því næmi til viðbótar gjaldskrárbreytingunni 1. apríl síðastliðinn.

Á annað hundrað manns sóttu fundinn um samgöngumál sem haldinn var í Grundaskóla. Mikil stemning var á fundinum en framsögumenn voru þeir Sturla Böðvarsson, samgönguráðherra, Magnús Guðmundsson forstjóri Landmælinga Íslands og Helgi Þórhallsson aðstoðarforstjóri Íslenska járnblendifélagsins. 

Magnús tilkynnti í framsögu sinni þau stórtíðindi að íslenskt leiðsögukerfi í bifreiðar yrði tilbúið til notkunar nú í byrjun sumars. Ljóst er að um er að ræða mikla byltingu, ekki hvað síst fyrir erlenda ferðamenn sem sækja Ísland heim.  

Helgi ræddi meðal annars um gríðarlegan kostnað fyrirtækjanna á Grundartanga við flutning starfsfólks til og frá vinnu. Einnig fór hann yfir hvernig Járnblendifélagið hefði stuðlað að minnkun landflutninga með þungavöru með samningum um útskipun frá Grundartangahöfn í stað útskipunar í Reykjavík. 

Sturla Böðvarsson fór yfir brýnustu verkefni samgönguráðuneytisins sem og sína framtíðarsýn hvað varðar Akranessvæðið. Var þar meðal annars nefnd þverun Grunnafjarðar og færsla vegstæðis undir Hafnarfjalli sem yrði gríðarleg samgöngubót og kæmi til með að styrkja bæði Borgarfjörð og Akranes. Einnig fór Sturla yfir möguleika varðandi legu Sundabrautar sem kæmu til með að vera vegtenging allt frá Hvalfjarðagöngum til Reykjavíkur.

  

Fjölmargar spurningar komu úr sal þegar opnað var á pallborðsumræður en auk framsögumanna voru í pallborði Gísli Gíslason bæjarstjóri á Akranesi, Páll S. Brynjarsson bæjarstjóri í Borgarbyggð og Dagur B. Eggertsson formaður skipulagsmála Reykjavíkur.  Líflegar umræður urðu og snörp skoðanaskipti og ljóst að það sem brann á fundarmönnum var gjaldtaka í göngin og að Sundabraut kæmi sem fyrst til framkvæmda.

    

Í lok fundar var samþykkt eftirfarandi ályktun:

 

"Borgarafundur haldinn á Akranesi miðvikudaginn 27.apríl 2005 ályktar eftirfarandi:

Svæðið norðan Hvalfjarðar er hluti atvinnusvæðis höfuðborgarsvæðisins. Íbúar sækja þangað vinnu óháð búsetu og er veggjald í Hvalfjarðargöngum umtalsverð skattlagning á íbúa og fyrirtæki. Gjaldið er alvarleg hindrun í eðlilegri þróun byggðar og samkeppnishamlandi fyrir fyriræki í framleiðslu og þjónustu, jafnframt því að vera hemill á ferðaþjónustu á svæðinu norðan ganga.

Fundurinn fagnar yfirlýsingu samgönguráðherra um bætta vegtengingu til vesturs og norðurs með þverun Grunnafjarðar og framkvæmdir við Sundabraut. Jafnframt skorar fundurinn á samgönguráðherra og stjórn Spalar að leita allra leiða til að lækka gjaldið í Hvalfjarðargöngin enn frekar og fella það út."

 

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is