Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. maí. 2005 10:40

Afhjúpun minnismerkis og sýning í Kirkjuhvoli

100 ára fæðingarafmælis Séra Jóns M. Guðjónssonar verður minnst þriðjudaginn 31. maí með afhjúpun minnismerkis á Safnasvæðinu að Görðum. Einnig verður opnuð sýning í Kirkjuhvolli undir heitinu “Að fortíð skal hyggja,” sem fjallar um ævi Jóns í máli og myndum. Er sýningin einnig tileinkuð konu hans, Lilju Pálsdóttur.

 

Séra Jón M. Guðjónsson fæddist á Brunnastöðum á Vatnsleysuströnd 31. maí 1905. Hann var skipaður í embætti sóknarprests Garðaprestakalls á Akranesi árið 1946 og sinnti hann því starfi til ársins 1975. Bjuggu þau Lilja þann tíma með börn sín tíu á Kirkjuhvoli. Það má með sanni segja að Séra Jón M. Guðjónsson hafi sett svip sinn á Akranes og með mörgu átt stóran þátt í uppbyggingu bæjarfélagsins. Hann var ötull baráttumaður fyrir auknum slysavörnum á sjó og má segja að hann hafi verið brautryðjandi á því sviði. Árið 1968 var hann gerður að heiðursfélaga Slysavarnafélags Íslands og einnig hafa Akurnesingar heiðrað starf hans á þessu sviði með því að nefna félagsheimili slysavarna- og björgunardeildanna á Akranesi eftir honum. Auk þess stofnaði Séra Jón Byggðasafnið að Görðum enda var hann áhugamaður um björgun heimilda um gamla torfbæi og önnur menningarverðmæti. Séra Jón hvatti til þess að minnismerki um drukknaða sjómenn yrði reist á Akratorgi og vígði hann myndverkið “Sjómanninn” eftir Martein Guðmundsson á sjómannadaginn árið 1967.

Sýningin í Kirkjuhvoli hefst þann 31. maí kl. 17 og lýkur henni 12. júní.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is