Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. júní. 2005 03:05

Færeyskir dagar um næstu helg

Hinir árlegu Færeysku dagar verða haldnir í Ólafsvík um næstu helgi, dagana 1. til 3. júlí. Þetta er í áttunda skiptið sem Ólsarar tjalda öllu til og ætla þetta árið að bjóða upp á metnaðarfulla skemmtidagskrá. Aðstandendur Færeyskra daga eru þetta árið átta einstaklingar sem hafa unnið að undirbúningi hátíðarinnar síðan í janúar á þessu ári. “Þetta er búið að vera skemmtileg vinna þó að það sé mikið að gera. Ef maður er jákvæður þá gengur allt upp,” segir Laufey Helga Árnadóttir einn skipuleggjandanna. “Við erum búin að breyta Salthúsinu í samkomuhús með sviði og ljósum og öllu tilheyrandi. Svo höfum við verið að gera ótal skilti sem koma til með að merkja allan bæinn.”

 

Í gegnum árin hefur fjöldinn allur af fólki skemmt sér á Færeyskum dögum og vonast þau til að þetta skiptið verði engin undantekning. “Þau eiga mikið hrós skilið þeir aðilar sem fóru af stað með Færeyska daga upphaflega,” segir Laufey, og segir hópinn núna hafa tekið þetta að sér þar sem þau vildu halda áfram þessu starfi og fannst bagalegt ef dagarnir yrðu taldir, ef svo má segja. “Nú koma á hátíðina um 100 manns frá Færeyjum auk innlendra gesta og við erum tilbúin að taka á móti miklum fjölda því gistirýmið verður meira með tilkomu nýrra hótelíbúða sem verða tilbúnar fyrir þessa helgi.” Það nýmæli verður núna í tengslum við Færeyska daga að Ólafsvík verður skipt í sjö hverfi og munu þeim verða gefin færeysk nöfn. Svo verður að sjálfsögðu í boði ýmis afþreying og skemmtun fyrir alla. “Trompið okkar er ball með Í svörtum fötum, en það verður auðvitað margt annað um að vera. Það verða hérna um 600 fermetrar af sölubásum, söngvarakeppni, samkvæmisdansar, bryggjuball, lyftingamót og margt fleira. Það verður sérstaklega mikið í boði fyrir börnin.” Nú þegar mesta undirbúningsvinnan er að baki fara áttmenningarnir að slaka á og hlakka til skemmtunarinnar og segjast að lokum viss um að sólin muni skína á Ólafsvík þessa helgi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is