Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. ágúst. 2005 08:15

Deilt um olíutank í Ólafsvík

Skipulags- og byggingarnefnd Snæfellsbæjar hafa borist nokkrar kvartanir vegna olíutanks sem settur hefur verið niður á vegum Olíufélagsins Essó við Ólafsbraut 59 í Ólafsvík. Kvartað hefur verið yfir megnri olíulykt og því að hættu stafi af tanknum inni í íbúðarbyggð. Að sögn Smára Björnssonar, bæjartæknifræðings Snæfellsbæjar var umræddur tankur settur niður til bráðabrigða á meðan verið er að ljúka við deiliskipulagsferli. “Essó sótti um að fá að setja niður olíustöð í Kirkjutúni, neðan við kirkjuna, þar sem fyrirtækið er með aðstöðu. Því var hafnað. Í framhaldi var sótt um lóðina Ólafsbraut 59, við hliðina á Litabúðinni. Skipulags- og byggingarnefnd samþykkti að setja þessa lóðaúthlutun í deiliskipulag og það komu engar athugasemdir frá íbúum þegar skipulagið var auglýst. Athugasemdafrestur er liðinn en eftir er að staðfesta deiliskipulagið vegna þess að við fórum þá leið að auglýsa saman deiliskipulag og aðalskipulag. Samkvæmt lögum þarf þá að stoppa deiliskipulagsferlið á meðan verið er að klára aðalskipulagið. Essó sótti þá um að fá að setja niður bráðabrigðatank á meðan og það komu engar athugasemdir við það heldur,” segir Smári.

Smári bendir á að hinum megin við Litabúðina hafi verið rekin olíuverslun í tuttugu ár og það sé jafn nálægt íbúðabyggðinni. “Þegar ákvörðun var tekin um bráðabrigðatankinn var það gert lögum samkvæmt og meðal annars leitað umsagnar Umhverfisstofnunar, þannig að það var ekki hægt að gera þetta betur. Þess má líka geta að þessi tankur er minni en margir sjómenn hafa heima hjá sér í húsagörðum,” segir Smári.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is