Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. ágúst. 2005 03:56

Skjöldur til minningar um Jóhann skáld í Ólafsvík

Sunnudaginn 14. ágúst var afhjúpaður í Ólafsvík skjöldur til minningar um Jóhann Jónsson skáld. Skjöldurinn prýðir Alexandershús sem í daglegu tali er nefnt Gamla bakaríið við Mýrarholt,sem var æskuheimili skáldsins. Að framkvæmdinni stóð Aðalsteina Sumarliðadóttir með hjálp nokkurra aðila úr bænum, þar á meðal sonar síns Egils Þórðarsonar.

 “Ég hef svona haldið þessu máli vakandi,” segir Aðalsteina, sem er áhugamanneskja um ævi og störf skáldsins. Hún er 82 ára gömul, fædd og uppalin í Ólafsvík. “Ég man svo vel eftir umtalinu um Jóhann og man eftir móður hans. Við höfum alltaf verið frekar fátæk hér í Ólafsvík af skáldum og svoleiðis fólki. Þegar ég kynnti mér það sem Halldór Laxness hafði skrifað um Jóhann þá vildi ég kynnast verkum hans betur. Hann var hæfileikamaður á mörgum sviðum og var til dæmis upplesari í Reykjavík. Hann þótti hafa einstaklega góða skáldagáfu en því miður þá lést hann úr berklum um aldur fram, aðeins 36 ára.”

Jóhann Jónsson (1896-1932) fluttist með foreldrum sínum frá Staðarstað ársgamall í Alexandershús í Ólafsvík. Húsið höfðu skömmu áður byggt hjónin Ásdís Þórðardóttir og Alexander Valentínusson. “Það var mikil tilviljun að þetta hús skyldi varðveitast. Bæjaryfirvöld voru búin að ákveða að ryðja því í burtu enda var allt ónýtt inni í því. Egill sonur minn var á gangi hér með hjónum úr Keflavík sem ákváðu þá að festa kaup á því. Þau hafa síðan gert það upp af miklum myndugleik.”  Við húsið er hlaðinn grjótgarður sem reistur var til að rétta af halla í lóðinni. Garðurinn myndar sund sem áður var gönguleið í gegnum bæinn.

Athöfnin þann 14. ágúst síðastliðinn var einkaframtak og kom bærinn ekki að máli. “Við fengum okkur kaffi og pönnukökur inni í húsinu og áttum góða stund saman,” segir frumkvöðullinn Aðalsteina. Hún segir kynningar á Jóhanni skáldi í raun vera hluta af stærra menningarverkefni sem hún hefur mikinn hug á að sjá rætast. “Það snýst um að varðveita torfuna sem hefur að geyma nokkur gömul hús hér í bænum en þessi gamli hluti bæjarins byggðist upp á svipuðum tíma. Deiliskipulag var gert í vor þar sem þetta svæði er afmarkað til varðveislu.” Aðalsteina vill sjá gamla hlutann varðveittan og hefur lengi barist fyrir því að fá lóð undir minnismerki til heiðurs bæjarskáldinu Jóhannesi. “Það þarf alltaf einhver tengsl við fortíðina. Gömul hús gefa góða hugmynd um það hvernig lífið var í gamla daga. Það er ekkert sýnilegra um fortíðina en húsin, þó þau séu ekki stór eða fræg.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is