Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. september. 2005 09:31

Smábílaklúbbur Akraness stofnaður

Smábílaklúbbur var stofnaður á Akranesi nú í sumar en um er að ræða félagsskap einstaklinga sem eiga það sameiginlegt að eiga fjarstýrða bíla sem ganga fyrir eldsneyti. Fjölmargir Skagamenn urðu varir við félaga klúbbsins á Írskum dögum þar sem þeir kynntu starfsemi sína við höfnina. Kynningin vakti mikla lukku og því ljóst að áhugi á fjarstýrðum bílum blundar í mörgum.

Ólafur Eyberg Rósantsson er formaður klúbbsins. Hann segir ástæðurnar fyrir stofnun hans ýmsar. “Tilgangurinn var fyrst og fremst sá að þjappa því liði saman sem við vissum að væri í þessu hérna á Skaganum. Menn vissu hver af öðrum en okkur langaði til þess að búa til góðan hóp og útvega okkur aðstöðu til að stunda sportið.”

Meðlimir klúbbsins leituðu til bæjaryfirvalda og fengu von bráðar úthlutuðu svæði á Breiðinni. “Pappírsvinnan er enn í gangi svo við erum ekki byrjaðir að taka til hendinni þar. Meiningin er að búa til braut fyrir bílana, bílastæði og fleira. Það má kannski geta þess að í Reykjavík hefur verið starfandi smábílaklúbbur í meira en tíu ár. Þeir hafa verið að vinna í því að fá svæði allan þann tíma en það hefur enn ekki tekist hjá þeim,” segir Ólafur Eyberg.

Meðlimir klúbbsins eru nú þegar í kringum 30 talsins og enn bætist við. “Áhuginn fer vaxandi og ég er viss um að meðlimum á eftir að fjölga enn frekar þegar svæðið verður komið í gagnið.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is