Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. september. 2005 02:29

Um 40% samdráttur í lönduðum afla og aflaverðmætum á milli ára

Mikill samdráttur hefur orðið í lönduðu sjávarfangi og verðmæti þess á Vesturlandi fyrstu fimm mánuði ársins, ef marka má tölur frá Hagstofu Íslands. Í lok maí hafði verið landað 43.814 tonnum af sjávarfangi á Vesturlandi á þessu ári sem er ríflega 40% samdráttur frá sama tíma í fyrra þegar landað hafði verið 73.480 tonnum. Verðmæti sjávarfangs sem landað var á Vesturlandi fyrstu fimm mánuði ársins er rúmar 1.388 milljónir króna en á sama tíma í fyrra var verðmætið tæpar 2.297 milljónir króna. Samdrátturinn í verðmætum er því einnig um 40%.

 

Af einstökum fisktegundum má nefna að samdráttur í þorskafla er fyrstu fimm mánuði ársins rúm 15% í magni og rúm 17% í verðmætum talið. Ennþá meiri er samdrátturinn í ýsuafla. Fyrstu fimm mánuði ársins var landað 553 tonnum af ýsu að verðmæti rúmar 29 milljónir króna. Á sama tíma í fyrra var ýsuaflinn 1.635 tonn að verðmæti rúma 123 milljónir króna. Samdrátturinn í magni er rúm 66% og í verðmætum rúm 76%. Í fyrra var landað 1.574 tonnum af grálúðu á Vesturlandi að verðmæti tæpar 351 milljón króna. Í ár hefur hinsvegar engri grálúðu verið landað á Vesturlandi. Einnig er mikill samdráttur í loðnuafla á milli ára. Á þessu ári var landað rúmum 30 þúsund tonnum af loðnu að verðmæti rúmar 170 milljónir króna en á sama tíma í fyrra hafði verið landað rúmum 44 þúsund tonnum að verðmæti rúmar 299 milljónir króna. Þá var rúmum 10 þúsund tonnum af kolmunna að verðmæti tæpar 69 milljónir króna landað á Vesturlandi en engum kolmunna hafði verið landað fyrstu fimm mánuði þessa árs.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is