Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. september. 2005 10:22

Gengur Umhverfisstofnun of langt í öryggi leiksvæða?

Bæjarráð Akraness hefur samþykkt að óska eftir því við stjórn Sambands íslenskra sveitarfélaga að kannað verði hvort ekki sé gengið of langt í reglum sem settar hafa verið til þess að tryggja öryggi leikvallatækja og leiksvæða ásamt eftirliti með þeim. Þessi ósk kemur í kjölfar bréfs sem Umhverfisstofnun ritaði sveitarfélögum um málið. Í bréfinu kemur fram að í lok ársins 2002 hafi tekið gildi reglugerð um öryggi leiksvæða og leikvallatækja og eftirlit með þeim.

 

Af bréfinu má ráða að umfangsmikið eftirlit hefur verið sett á fót til þess að tryggja umrætt öryggi og má í því efni nefna að tæki og undirlag þeirra skuli uppfylla kröfur sem fram koma í ákveðnum stöðlum sem nefndir eru í bréfinu. Heilbrigðisnefndir sveitarfélaga veita starfsleyfi fyrir leiksvæði og skal í leyfinu gera kröfu um svokallað innra eftirlit. Því er líst svo: Í fyrsta lagi skal framkvæma reglubundna yfirlitsskoðun daglega eða vikulega eftir notkun og álagi. Í öðru lagi skal framkvæma rekstrarskoðun á þriggja mánaða fresti, “sem felst í verklegri yfirferð, viðgerð og viðhaldi,” segir í bréfinu. Í þriðja lagi skal framkvæma aðalskoðun sem er ástandsskoðun sem ætlað er að gera heildarúttekt á öryggi leikvallatækja og yfirborðsefna. Þá segir í bréfi Umhverfisstofnunar: “Frá og með 1. janúar 2006 mega þeir einir framkvæma aðalskoðun sem hlotið hafa faggildingu til þess. Neytendastofa hefur yfirumsjón með faggildingarmálum á Íslandi.”

Þá er veittur frestur til ársloka 2006 til þess að endurgera leiksvæði sem eru í rekstri en heilbrigðisnefnd getur þó látið fjarlægja hættuleg leiktæki ef nauðsyn ber til. Heimilt er þó að veita frest til ársloka 2010 “ef ríkar ástæður eru til,” segir orðrétt í bréfinu. Ekki kemur fram í því hverjar þessar ríku ástæður gætu verið.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is