Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. september. 2005 04:24

Besti árangur Víkings Ó frá upphafi

Lokaleikur Víkings síðastliðinn föstudag var leikinn í sunnan roki og rigningu. Heldur hafði lægt vind frá því fyrr um daginn og slapp þetta nú allt til.  Akureyringarnir í Þór voru í heimsókn og voru þeir sterkari aðilinn fyrsta hálftímann eða svo.  Þeir sköpuðu sér þó ekki nein færi sem að heitir getur. Víkingar fengu sitt fyrsta færi þegar Eyþór Ásgeirsson prjónaði sig í gegnum vörn gestanna á 30. mínútu. Hann lék á tvo varnarmenn en var kominn í nokkuð þröngt færi og skotið var ekki gott.  Stuttu seinna fékk Slavisa gott skotfæri í teignum en varnarmenn Þórs komust fyrir knöttinn og björguðu.  Jafnt var því komið á með liðunum og staðan 0 – 0 í hálfleik. 

 

Það voru ekki liðnar nema u.þ.b. 7 mín. af seinni hálfleik þegar Víkingar áttu góða sókn upp hægri kantinn.  Slavisa lagði knöttinn út á Ragnar Mar sem átti góða fyrirgjöf beint yfir á nafna sinn Ragnar Smára sem hitti boltann vel og skaut góðu skoti út undir stöng.  Mark, óverjandi og Ragnar Smári skoraði þarna sitt fyrsta mark í sumar. Geysilega þýðingarmikið mark.  Eftir markið sóttu Þórsar nokkuð og pressuðu heimamenn stíft undir lokin.  En vörnin hélt og Einar markvörður Hjörleifsson sýndi enn á ný góð tilþrif í markvörslunni.  Það kom því undirrituðum ekki á óvart að hann skyldi kjörinn besti leikmaður sumarsins í lokahófi Víkings kvöldið eftir.  Rétt fyrir leikslok komst Slavisa einn í gegn og hefði getað innsiglað sigurinn en eitthvað fataðist honum flugið og því átti markvörðurinn ekki í vandræðum að verja misheppnað skot hans.  Fyrir leikinn átti Víkingur það á hættu að falla úr deildinni ef illa færi en sigur þýddi að liðið endaði í 5. sæti deildarinnar.

Skemmtilegri og jafnri deild er lokið.  Væntanlega verða ekki miklar breytingar á leikmannahópnum sem mætir til leiks næsta sumar og etur kappi við lið á borð við Þrótt, Fram og fleiri góð lið.  Víkingar eru því 15. besta félagslið landsins – til hamingju með það. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is