Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. september. 2005 08:36

Menntaskóli á tjaldstæðinu í Borgarnesi

Framhaldsskóli og félagsheimili í einum pakka

 

Þrátt fyrir að ekki séu nema fáeinar vikur síðan formlega var farið að vinna að undirbúningi framhaldsskóla í Borgarnesi virðist málið vera komið á góðan rekspöl og flest sem bendir til þess að einkarekinn menntaskóli taki til starfa innan árs. Þess ber að geta að hugmynd um framhaldsskóla í Borgarnesi er ekki ný af nálinni en málið fékk byr undir báða vængi eftir könnun sem unnin var á vegum SSV síðasta vetur í tengslum við gerð vaxtarsamnings Vesturlands. Þar kom fram að það sem íbúum Borgarfjarðar þótti helst vanta var framhaldsskóli í héraði. Síðasumars kom síðan fram hugmynd um einkarekinn menntaskóla í nánu samstarfi við háskólana á Bifröst og Hvanneyri. 

 

Eins og fram hefur komið í Skessuhorni hefur bæjarstjórn Borgarbyggðar skipað vinnuhóp til að undirbúa stofnun skólans og er miðað við að hann taki til starfa hausti 2006. Undirbúningshópurinn hefur nú þegar komist að þeirri niðurstöðu að ekki sé neitt húsnæði til í Borgarnesi sem henti starfsemi skólans og að sögn Helgi Hallórsdóttur, forseta bæjarstjórnar Borgarbyggðar er stefnt að því að byggt verðir hús undir skólastarfið. “Það er ljóst að núverandi tjaldstæði í Borgarnesi er sú lóð sem er efst á óskalistanum og við erum búin að semja við arkitektastofuna Kurt og Pí um að leggja fram fyrstu hugmyndir að skólahúsi á lóðina. Þeir fá meðal annars þá forskrift að gera ráð fyrir stórum sal sem gæti hugsanlega einnig nýst sem félagsheimili fyrir bæinn,”segir Helga. Helga segir stefnt að því að framkvæmdir geti hafist snemma á næsta ári en væntanlega verði að hefja skólastarfið í bráðabirgðahúsnæði.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is