Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2005 10:00

VR: Svipaður launamunur allsstaðar

Gunnar Páll Pálsson, formaður Verslunarmannafélags Reykjavíkur segir að engin ástæða sé til að ætla annað en að svipaður launamunur sé á milli kynja á öllu landinu. Sem kunnugt er stendur félagið fyrir mikilli herferð gegn kynbundnu misrétti í launum og nýtur til þess aðstoðar þekktra stjórnmálamanna sem látið hafa mynda sig í nýjum kynhlutverkum. Í launakönnun sem félagið lét gera kom í ljós að grunnlaun félagsmanna höfðu hækkað um 11% á milli áranna 2004 og 2005 og heildarlaun um 10% á sama tímabili. Er það nokkuð meiri hækkun en á almennt gerðist á vinnumarkaði á sama tíma og þess má geta að launavísitala Hagstofunnar hækkaði um 6,7% frá febrúar 2004 til febrúar 2005. 

 

Könnunin leiðir einnig í ljós að karlar hafa 23% hærri heildarlaun en konur. Kynbundinn launamunur, það er þegar búið er að taka tillit til vinnutíma, aldurs, starfsaldurs, stéttar og menntunar, er 14%. Er það óbreytt niðurstaða frá því í síðustu launakönnun félagsins frá því á síðasta ári. Því var blásið til áðurnefndrar herferðar.

Sem kunnugt er nær félagssvæði félagsins til Hvalfjarðarstrandarhrepps, Skilmannahrepps, Innri-Akranesshrepps og Akraneskaupstaðar eftir sameiningu félagsins og Verslunarmannafélags Akraness. Gunnar Páll segir könnun félagsins ekki hafa verið svæðaskipta og því sé ekki hægt að fullyrða um hvort munur sé á launamun milli einstakra svæða á starfssvæði félagsins. Hins vegar hafi verið gerðar kannanir á undanförnum árum á öðrum stöðum á landinu sem bendi til þess að launamunur á milli kynjanna sé svipaður á landinu öllu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is