Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. október. 2005 04:23

Brottvikning Guðrúnar Jónu úr sveitarstjórn Dalabyggðar stóðst ekki lög

Félagsmálaráðuneytið hefur fellt úr gildi ákvörðun sveitarstjórnar Dalabyggðar frá því 19. apríl um brottvikningu Guðrúnar Jónu Gunnarsdóttur úr stjórninni. Guðrún Jóna kærði samþykkt sem gerð var á sveitarstjórnarfundi í Dalabyggð og krafðist þess að hún yrði felld úr gildi. Það var Þorsteinn Jónsson, oddviti Dalabyggðar sem lagði á fundinum fram svohljóðandi tillögu:

„Með vísan til þess, að sveitarstjórnarmaðurinn Guðrún Jóna Gunnarsdóttir hefur flutt úr sveitarfélaginu um stundarsakir til að stunda nám og störf í Reykjavík, er ákveðið með vísan til sveitarstjórnarlaga, að hún skuli „víkja úr sveitarstjórn, þar til hún tekur aftur búsetu í sveitarfélaginu“, sbr. 4. mgr. 24. gr. sveitarstjórnarlaga og skal varamaður hennar taka sæti í sveitarstjórn í samræmi við niðurlag 24. gr. laganna.”

 

Tillagan var samþykkt með fimm atkvæðum gegn tveimur. Í kjölfarið óskaði Guðrún Jóna Gunnarsdóttir eftir að gera grein fyrir atkvæði sínu á þennan veg: „Með þessari atkvæðagreiðslu er ljóst að sveitarstjórnarmenn eru ekki starfi sínu vaxnir og ljóst að hér er viðhaft gróft einelti.” Hún mótmælti þessari ákvörðun og taldi hana ólöglega og lögleysu og taldi það vera verk sveitarstjórnarmanna að kynna sér málin áður en svo stór ákvörðun væri tekin. Snæbjörg Bjartmarsdóttir óskaði eftir að eftirfarandi yrði fært til bókar: „Það sem ég vil kalla 5 manna meirihluta sveitarstjórnar Dalabyggðar, hefur ítrekað reynt að bola Guðrúnar Jónu Gunnarsdóttur burt, nánast frá síðustu kosningum. Má því kallast fáránlegt af viðkomandi að notfæra sér þá aðstöðu hennar að þurfa að vinna fyrir sér annars staðar, eins og raunar fjölmargir Dalamenn gera, athugasemdalaust til að koma henni burt úr sveitarstjórn þegar annað dugði ekki til. Ég mótmæli þessu harðlega og ég er sannfærð um að svona mál hefði ekki komið upp ef um mann af S-lista hefði verið að ræða. Þetta er í versta falli gróft einelti og í besta falli alvarlegt manngreinarálit.”

 

Í niðurstöðu ráðuneytisins segir að Guðrún uppfylli kjörgengisskilyrði þar sem hún sé íslenskur ríkisborgari, eldri en 18 ára, eigi lögheimili í sveitarfélaginu og hafi ekki verið svipt lögræði. Ekki sé hægt að víkja henni úr sveitarstjórn á þeim forsendum að hún hafi misst kjörgengi.

Þorsteinn Jónsson oddviti Dalabyggðar vildi ekki tjá sig um úrskurðinn þegar Skessuhorn leitaði til hans að morgni þriðjudags þar sem hann hafði ekki lesið hann. Ekki náðist heldur í Guðrúnu Jónu Gunnarsdóttur við vinnslu fréttarinnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is