Forsíða
Auglýsing
Rss straumur af fréttum frá Skessuhorni
Lágnætti. Fjórði Þórsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. október. 2005 03:54

Vona að menn sitji á strák sínum

Snæbjört Bjartmarsdóttir, hreppsnefndarmaður í Dalabyggð segist fagna úrskurði félagsmálaráðuneytisins í máli Guðrúnar Jónu Gunnarsdóttur. Sveitarstjórn Dalabyggðar vék Guðrúnu Jónu úr sveitarstjórn í vor “þar til hún tekur aftur búsetu í sveitarfélaginu,” eins og sagði í samþykkt sveitarstjórnar. Guðrún Jóna krafðist þess að félagsmálaráðuneytið ógilti ákvörðunina og var fallist á þá málaleitan. Hún hefur því samkvæmt úrskurðinum tekið sæti að nýju í sveitarstjórn.

 

Snæbjört segir úrskurðinn mjög afgerandi og því ljóst að Guðrún Jóna muni taka sæti að nýju í sveitarstjórn. “Ég vona að þeir sem stóðu að þessari ákvörðun á sínum tíma muni að siðaðra manna hætti biðja hana afsökunar þegar hún tekur sæti sitt að nýju. Ég vona að þeir aðilar sem unnið hafa að því að koma Guðrúnu Jónu úr sveitarstjórn sitji á strák sínum það sem eftir lifir kjörtímabilsins. Kröftum manna í þessu sveitarfélagi verður að beita í þarflegri verkefni en að leggja stein í götu réttkjörinna fulltrúa í sveitarstjórn. Okkar bíða mörg stór verkefni sem sveitarstjórnarmenn eru kosnir til að leysa og ég treysti því að menn haldi sig við þau verkefni á komandi mánuðum,” segir hún.

Sigurður Rúnar Friðjónsson hreppsnefndarmaður segist ekkert botna í úrskurði ráðuneytisins en vill ekki tjá sig efnislega um hann að öðru leyti. Hann vill aðspurður ekki tjá sig um með hvaða hætti sveitarstjórn muni bregðast við í málinu. Fundur er í sveitarstjórn Dalabyggðar á morgun þar sem málið verður rætt og samkvæmt úrskurðinum mun Guðrún Jóna taka sæti sitt á þeim fundi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is