Forsíða
Auglýsing
Rss straumur af fréttum frá Skessuhorni
Lágnætti. Fjórði Þórsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. október. 2005 12:04

Nákvæm útfærsla á Sundabraut ekki ákveðin

Halldór Ásgrímsson forsætisráðherra segir ekki ákveðið með hvaða hætti framkvæmdir við Sundabraut upp á Kjalarnes verða útfærðar þar með talið innheimta hugsanlegra veggjalda af umferð. Þetta kom fram í umræðum á Alþingi um frumvarp til laga um ráðstöfun á söluandvirði Landssímans. Eins og fram hefur komið í fréttum verður 8 milljörðum af söluandvirðinu varið til lagningar Sundabrautar og talið er að þeir fjármunir dugi til þess að ljúka fyrri áfanga brautarinnar, það er upp í Geldinganes.

 

Rætt hefur verið um að síðari áfangi leiðarinnar, það er vegur upp á Kjalarnes verði fjármagnaður í einkaframkvæmd og að vegfarendur um þann hluta leiðarinnar greiði veggjöld eins og gert er í Hvalfjarðargöngum. Eins og fram kom í frétt Skessuhorns fyrir skömmu telur Halldór Blöndal, fyrrverandi samgönguráðherra ekki heimilt að taka slíka gjaldtöku upp samkvæmt ákvæði í samningi ríkisvaldins við Spöl hf. sem á og rekur Hvalfjarðargöng.

Í umræðunni á Alþingi minnti Magnús Þór Hafsteinsson, þingmaður Frjálslynda flokksins á þetta sjónarmið Halldórs. Hann spurði því forsætisráðherra með hvaða hætti ætti að innheimta vegtolla af Sundabraut á þeim tíma sem enn væru innheimt veggjöld af Hvalfjarðargöngum. Magnús Þór taldi erfitt að afgreiða frumvarpið áður en útfærsla á innheimtunna lægi fyrir. Forsætisráðherra sagðist því miður ekki getað spurningu Magnúsar Þórs því málið væri á byrjunarreiti en sagðist vonast til þess að heildarmynd þess máls lægi fyrir innan tíðar.

Jóhann Ársælsson, þingmaður Samfylkingarinnar spurði hvort sama fólk og nú greiddi upp Hvalfjarðargöngin ætti í framtíðinni að greiða framkvæmdir við Sundabraut. Hann sagði það sína skoðun að ekki væri hægt að bjóða sumum landsmönnum það að greiða fyrir afnot sín af umferðarmannvirkjum á meðan aðrir landsmenn þyrftu þess ekki. Því þyrftu sumir landsmenn að greiða aðgang að höfuðborginni en aðrir ekki.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is