Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. október. 2005 03:20

Kemur Ferguson á Akranes í vor?

Á fundi sem bæjarráð Akraness átti með Sir Alex Ferguson, framkvæmdastjóra Manchester United um helgina var sú hugmynd viðruð að Ferguson kæmi til Akraness í vor og yrði viðstaddur þegar nýtt fjölnota íþróttahús verður vígt á Akranesi. Forsvarsmenn Akraness voru á ferð í Englandi til að kynna sér starfsemi og markaðsstarf HB-Granda hf. í Englandi.

Af því tilefni gafst tækifæri til þess að eiga fund með Sir Alex að loknum leik Manchester United og Tottenham Hotspur. Sem kunnugt er kynntust þeir Gunnar Sigurðsson sem situr í bæjarráði og Sir Alex, þegar knattspyrnulið ÍA lék í tvígang við Aberdeen í Evrópukeppni bikarhafa og UEFA keppninni.

 

Má geta þess að Sir Alex segir frá viðskiptum þeirra félaga í landsleik Íslands og Skotlands í ævisögu sinni, en hann var þá aðstoðar landsliðsþjálfari Skota og Gunnar í stjórn KSÍ. Í umræddu tilviki var Gunnar afar ósáttur við ákveðið atvik i leik Skotanna, sem Sir Alex var minnisstætt.

Sir Alex tók á móti Skagamönnunum í herbergi sínu þrátt fyrir mikið annríki og aðra mikilvæga gesti. Hann rifjaði upp ýmis atvik frá leikjunum við ÍA á sínum tíma og ferðum hans með skoska landsliðinu og ræddi við hópinn í um 30 mínútur. Meðal annars var fært í tal hvort hann ætti möguleika á því að heimsækja Akranes á fyrri hluta næsta árs í tilefni vígslu fjölnota íþróttahúss á Jaðarsbökkum. Varð að samkomulagi að skoða hvort mögulegt væri að koma því við, en sem kunnugt er hefur framkvæmdastjóri Manchester United talsvert á sinni könnu og tími hans af skornum skammti.

Þess má geta að nærvera Skagamanna varð ekki efni í mörg mörk í leiknum því honum lauk með jafntefli. Hvort lið skoraði mark.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is