Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. október. 2005 02:13

Sigfúsarhátíð Halldórssonar í bígerð á Reykhólum

Mennta- og menningarmálanefnd Reykhólahrepps hefur til skoðunar að efna á sumardaginn fyrsta á næsta ári til „Sigfúsarhátíðar“ en þá verða 10 ár liðin frá andláti Sigfúsar Halldórssonar tónskálds. Það var Einar Örn Thorlacius sveitarstjóri sem lagði þetta til við nefndina. Í flestra huga tengist Sigfús frekar þéttbýlinu við Faxaflóa en Reykhólum en staðreyndin er sú að á Reykhólum samdi Sigfús sína þekktustu perlu, Litlu fluguna og það sem meira er; ljóðið við það lag var einnig samið á Reykhólum.

 

Að sögn Einars Arnar sótti Sigfús nokkuð til Reykhóla og dvaldi þar oft hjá vini sínum Sigurði Elíassyni sem var forstöðumaður tilraunastöðvarinnar á Reykhólum. Í æviminningum Sigurðar segir frá því er lagið um fluguna litlu varð til. Sigfús tók bók úr hillu og féll þá miði úr henni. Sigfús gerði sig líklegan til þess að lesa það sem á miðanum stóð en Sigurður bannaði honum það. Í blóra við bann Sigurðar las Fúsi á miðann og þar var kvæðið um litlu fluguna, sem Sigurður hafði ort. Sigfúsi leist mjög á kvæðið og vildi gera við það lag. Sigurður sagði honum það heimilt með því skilyrði að honum tækist það á innan við tíu mínútum. Tónskáldið settist við píanó Sigurðar og átta mínútum síðar var lagið sem allir landsmenn kunna tilbúið.

Í íbúðarhúsi Sigurðar er nú rekið gistiheimilið Álftaland og þar er píanóið góða sem lagið var samið á. Í ljósi þessara staðreynda segir Einar Örn hugmyndina að hátíðinni hafa kviknað. Skipulagning er þegar hafin og fljótlega kemur í ljós hvort af hátíðinni verður.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is